బాలీవుడ్‌లో కొత్త చర్చ.. ఆ యాడ్‌లకు ఆ స్టార్‌ హీరోహీరోయిన్లే బెటరూ అంటూ..!

హీరోలు, హీరోయిన్లు యాడ్స్‌లో నటించడం అనేది ఇప్పుడు సర్వ సాధారణమైపోయింది. కాస్త ఇమేజ్‌ రాగానే వాళ్లతో యాడ్‌లో నటింపజేయడానికి బ్రాండ్లు ఆసక్తి చూపిస్తున్నాయి. అలాంటిది సినిమాల్లో స్టార్‌గా, సోషల్‌ మీడియాలో సూపర్‌ స్టార్‌గా వెలుగొందుతున్న హీరోయిన్‌ను యాడ్స్‌లో చూపించడానికి, చూడటానికి జనాలు ముందుంటారు. అయితే వాళ్లు కొన్ని రకాల యాడ్స్‌లో కనిపిస్తేనే బాగుంటుంది అని వాళ్ల అభిమానుల కోరిక. వాళ్ల కోరికకు దూరంగా ఏదైనా యాడ్స్‌లో నటిస్తే నొచ్చుకుంటారు, వాళ్లు నొచ్చుకునేలా చేస్తారు కూడా.

నటించాలి అనే మాట వచ్చినా వాళ్లు సహించలేరు. ఇప్పుడు జాన్వీ కపూర్‌ (Janhvi Kapoor) విషయంలో ఇదే జరిగింది. ఆమె కండోమ్స్‌ యాడ్‌లో నటిస్తే బాగుండు అని ఓ వ్యాపారవేత్త అన్నందుకుగాను ఆమె ఫ్యాన్స్‌ ఆగ్రహం వ్యక్తం చేస్తున్నారు. మరికొందరైతే అందులో తప్పేముంది ఆమె ఎలాంటి యాడ్‌కైనా నప్పుతుంది అని గర్వంగా చెబుతున్నారు. మ్యాన్‌ఫోర్స్ కండోమ్ కంపెనీ ఎండీ, సహ వ్యవస్థాపకుడు రాజీవ్ జునేజా ఇటీవల ఓ ఇంటర్వ్యూ ఇచ్చారు. ఈ నేపథ్యంలోనే జాన్వీ కపూర్ పేరు ప్రస్తావనకు వచ్చింది.

కండోమ్‌ యాడ్స్‌లో ఎవరు బాగుంటారు అని మీరు అనుకుంటున్నారు అని అడిగితే ఆయన నిర్మొహమాటంగా జాన్వీ కపూర్, రణ్‌బీర్ కపూర్‌ (Ranbir Kapoor) పేర్లను చెప్పారు. వాళ్లిద్దరూ అయితే కండోమ్‌ యాడ్‌ అదిరిపోతుంది అని చెప్పుకొచ్చారు. దీంతో అభిమానులు ఆగ్రహం వ్యక్తం చేస్తున్నారు. గతంలో మ్యాన్‌ ఫోర్స్‌ కంపెనీ కండోమ్ ప్రకటనలకు సన్నీ లియోన్ (Sunny Leone) అంబాసిడర్‌గా ఉండేది. రీసెంట్‌గా బాలీవుడ్ నటుడు కార్తీక్ ఆర్యన్ (Kartik Aaryan) ఎంపికయ్యారు.

ఆయనతోపాటు ఓ యువ నటి ఆ యాడ్‌లో చేస్తోంది. నిజానికి ఆ యాడ్స్‌ ఏమంతా స్కిన్‌ షోతో ఉండవు. మాటల్లోనే అంతా చెప్పే ప్రయత్నం చేస్తుంటారు. ఇక బాలీవుడ్‌లో స్కిన్‌ షో అన్నా, బాడీ షో అన్నా జాన్వీ ముందు గుర్తొస్తుంది. ఆమె ఫిజిక్‌ కూడా అందుకు అనువుగా ఉంటుంది. అందుకే రాజీవ్‌ అలా అని ఉండొచ్చు అని కొంతమంది నెటిజన్లు అంటుండగా.. అలాంటి యాడ్‌లు జాన్వీ చేయదు అని మరికొందరు అంటున్నారు.