ఎవరి క్రెడిట్‌ను వారికివ్వడం రాజమౌళికి ఎప్పటి నుంచో ఉన్న అలవాటు. ఆయన తెరకెక్కించే భారీ చిత్రాలను ఒకరితోనే సాధ్యం కాదనే విషయం మనకు తెలిసిందే. దాంతోపాటు ఇప్పుడు సినిమా అంటే కేవలం సినిమా మాత్రమే కాదు అంటున్న రోజులు. ప్రచారం కొత్త పుంతలు తొక్కుతోంది. అలా జక్కన్న టీమ్‌ తమ సినిమాలకు అద్భుతమైన ప్రచారం చేస్తుంటుంది. అలా తాజాగా ‘ఆర్ఆర్ఆర్’ కోసం ‘దోస్తీ’ అనే ఓ ప్రచార గీతాన్ని రూపొందించింది. ఇటీవల ఐదు భాషల్లో విడుదలైన ఆ గీతానికి మంచి స్పందన వస్తోంది.
అయితే ఆ పాటను రూపొందించింది జక్కన్న కాదట. రాజమౌళి సినిమాల్లో కార్తికేయ చాలా కీలకం అనే విషయం మనకు తెలిసిందే. ‘బాహుబలి’ సినిమాకు సెకండ్‌ యూనిట్‌ డైరక్టర్‌గా చేశాడు. ప్రచారంలోనూ కీలకంగా వ్యవహరించాడు. ఇప్పుడు ‘ఆర్ఆర్ఆర్’కి ఆయనే కీలకంగా మారి ‘దోస్తీ’ ప్రచార గీతాన్ని సిద్ధం చేశాడు. ఈ విషయన్ని రాజమౌళినే స్వయంగా ట్విటర్‌ వేదికగా ప్రకటించాడు. దాంతోపాటు ఈ పాటను ఇంత విజయాన్ని అందించిన ప్రేక్షకులకు, రూపొందించిన కీరవాణికి ధన్యవాదాలు కూడా తెలిపాడు.
‘ఆర్ఆర్ఆర్’ క్లైమాక్స్ పాట చిత్రీక‌ర‌ణ‌లో బిజీగా ఉండ‌గా.. ‘దోస్తీ’ పాట‌కు సంబంధించి మ్యూజిక్ వీడియో చేద్దామ‌న్న ఆలోచ‌నను కార్తికేయ చేశాడట. ఆ తర్వాత స‌తీష్ కృష్ణ‌న్ అనే డ్యాన్స్ కొరియోగ్రాఫ‌ర్‌తో క‌లిసి కార్తికేయ ఈ పాటను ప్లాన్ చేసి షూట్ చేశాడ‌ని రాజమౌళి వెల్లడించారు. ఇంత‌కుముందు ‘ఆర్ఆర్ఆర్’ మేకింగ్ వీడియో విష‌యంలోనూ త‌న క్రెడిట్ ఏమీ లేద‌ని.. రెండు నెల‌ల పాటు క‌ష్ట‌ప‌డి కార్తికేయ‌నే దాన్ని రూపొందించాడని ఘనత కట్టబెట్టాడు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home