సీనియర్ హీరో వెంకటేష్ నటించిన ‘నారప్ప’ సినిమాను అమెజాన్ ప్రైమ్ వీడియోలో విడుదల చేస్తున్నట్లు అధికారికంగా ప్రకటించిన సంగతి తెలిసిందే. జూలై 20న ఈ సినిమాను స్ట్రీమింగ్ చేయనున్నారు. అలానే వెంకీ నటించిన ‘దృశ్యం 2’ సినిమాను హాట్ స్టార్ సంస్థ దక్కించుకుంది. ఈ రెండు సినిమాలను సురేష్ బాబు తన బ్యానర్ పై నిర్మించారు. ఈ సినిమాలకు మంచి ఓటీటీ ఆఫర్లు రావడంతో డీల్ కుదుర్చుకున్నారు. ఇప్పుడు ఆయన బ్యానర్ లో తెరకెక్కిన మరో సినిమా ‘విరాటపర్వం’ కూడా డిజిటల్ రిలీజ్ కు సిద్ధంగా ఉందంటూ వార్తలొస్తున్నాయి.
రానా, సాయి పల్లవి జంటగా నటించిన ఈ సినిమాను నెట్ ఫ్లిక్స్ సంస్థ దక్కించుకోవడానికి చూస్తోంది. ఈ మేరకు మంచి ఆఫర్ కూడా ఇచ్చినట్లు సమాచారం. దాదాపుగా ఈ డీల్ ఖరారైనట్లే అని చెబుతున్నారు.ఇండస్ట్రీలో కాస్త క్రేజ్ ఉన్న సినిమాలన్నింటినీ థియేటర్లోనే విడుదల చేయాలని నిర్ణయించుకున్నారు. కానీ సురేష్ బాబు మాత్రం తన సినిమాలను ఓటీటీలకు అమ్మేస్తున్నారు. ప్రస్తుతం ఉన్న పరిస్థితుల్లో ప్రేక్షకులను థియేటర్లకు రప్పించడం ఆయనకు ఇష్టం లేదని..
ఆ కారణంగానే తన సినిమాలను ఓటీటీలకు ఇచ్చేస్తున్నారని సన్నిహిత వర్గాల ద్వారా తెలుస్తోంది. ఇటీవల డిస్ట్రిబ్యూటర్లు, ఎగ్జిబిటర్లు అక్టోబర్ వరకు సినిమాలను హోల్డ్ లో పెట్టమని రిక్వెస్ట్ చేసినా.. సురేష్ బాబు మాత్రం ఈ నిర్ణయం తీసుకోవడం గమనార్హం.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home