Jr NTR: తారక్ ను అందుకే కలవడం లేదన్న రాజీవ్ కనకాల.. ఏమైందంటే?

టాలీవుడ్ ఇండస్ట్రీలోని బెస్ట్ ఫ్రెండ్స్ లో తారక్ రాజీవ్ కనకాల ముందువరసలో ఉంటారు. ఈ కాంబినేషన్ లో వచ్చిన సినిమాలలో మెజారిటీ సినిమాలు సక్సెస్ సాధించాయి. యంగ్ టైగర్ జూనియర్ ఎన్టీఆర్ తన సినిమాలలో రాజీవ్ కనకాలకు సరిపడే పాత్ర ఉంటే కచ్చితంగా ఛాన్స్ ఇవ్వడానికి ప్రాధాన్యత ఇస్తారనే సంగతి తెలిసిందే. నాన్నకు ప్రేమతో, జనతా గ్యారేజ్, ఆర్ఆర్ఆర్ సినిమాలలో రాజీవ్ కనకాల నటించి మెప్పించారు. గత కొన్నేళ్లలో విడుదలైన ఈ సినిమాలు నిర్మాతలకు మంచి లాభాలను అందించాయి.

అయితే ఎన్టీఆర్ (Jr NTR) రాజీవ్ కనకాల ఈ మధ్య కాలంలో కలిసి ఎక్కువగా కనిపించడం లేదు. తారక్ రాజీవ్ మధ్య గ్యాప్ వచ్చిందని కూడా గతంలో వార్తలు వచ్చాయి. అయితే వైరల్ అవుతున్న వార్తలకు సంబంధించి తాజాగా రాజీవ్ కనకాల ఒక ఇంటర్వ్యూలో పూర్తిస్థాయిలో క్లారిటీ ఇవ్వడం గమనార్హం. తారక్ తో స్నేహం గతంలోలా కొనసాగుతోందని అయితే డైరెక్ట్ గా తారక్ ను కలవడం మాత్రం తగ్గిందని ఆయన అన్నారు.

ప్రస్తుతం ఎన్టీఆర్ షూటింగ్ లతో బిజీగా ఉన్నారని నాకు కూడా బాధ్యతలు పెరగడంతో మేమిద్దరం కలవడం వీలు కాలేదని రాజీవ్ కనకాల పేర్కొన్నారు. దేవర షూట్ లొకేషన్ కు రావాలని తారక్ కోరారని ఆయన చెప్పుకొచ్చారు. వీలు చూసుకుని వెళతానని ఆయన పేర్కొన్నారు. మనోజ్, తరుణ్, శివ బాలాజీలతో కూడా స్నేహం ఉందని రాజీవ్ కనకాల చెప్పుకొచ్చారు.

ప్రస్తుతం ట్రెండ్ కు అనుగుణంగా పాత్రలు వస్తున్నాయని ఆయన పేర్కొన్నారు. రాజీవ్ కనకాల పారితోషికం ప్రస్తుతం భారీ రేంజ్ లో ఉంది. మహేష్ రాజమౌళి కాంబో మూవీలో రాజీవ్ కనకాలకు ఛాన్స్ దక్కుతుందేమో చూడాల్సి ఉంది. రాజీవ్ కనకాలను అభిమానించే ఫ్యాన్స్ సంఖ్య పెరుగుతోంది. ఎన్టీఆర్ రాజీవ్ కాంబోలో మరిన్ని సినిమాలు రావాలని ఫ్యాన్స్ కోరుకుంటున్నారు.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!