Ali, Pawan Kalyan: పవన్ హాజరు కాకపోవడానికి అసలు కారణం ఇదేనా?

స్టార్ హీరో పవన్ కళ్యాణ్ అలీ మధ్య ఉన్న అనుబంధం గురించి ప్రత్యేకంగా చెప్పాల్సిన అవసరం లేదు. పవన్ కళ్యాణ్ హీరోగా ఏదైనా ప్రాజెక్ట్ తెరకెక్కుతుందంటే ఆ ప్రాజెక్ట్ లో అలీ తప్పనిసరిగా ఉండాల్సిందే. కథ డిమాండ్ చేయకపోయినా పలు సందర్భాల్లో అలీని తప్పనిసరిగా తీసుకోవాలని దర్శకులకు పవన్ కళ్యాణ్ సూచనలు చేసిన సందర్భాలు అయితే ఉన్నాయనే సంగతి తెలిసిందే. అయితే పవన్ కళ్యాణ్ ప్రస్తుతం ఒక పార్టీకి అధినేతగా ఉండగా అలీ మాత్రం వైసీపీ ఇచ్చిన పదవిలో ఉన్నారు.

కొన్నిరోజుల క్రితం పార్టీ సూచనల మేరకు అలీ పవన్ పై ఘాటుగా విమర్శలు చేశారు. ఆ సమయంలో అలీ చేసిన కామెంట్లు పవన్ కళ్యాణ్ ఫ్యాన్స్ ను బాధ పెట్టాయి. ఈ రీజన్స్ వల్లే అలీ కూతురి పెళ్లికి పవన్ కళ్యాణ్ హాజరు కాలేదని కామెంట్లు వినిపిస్తుండటం గమనార్హం. అలీ పవన్ ను కలిసి పెళ్లికి కచ్చితంగా హాజరు కావాలని కోరిన సంగతి తెలిసిందే. అయితే పొలిటికల్ గా వైసీపీతో విభేదాలు ఉన్న నేపథ్యంలో అలీ కూతురి పెళ్లికి హాజరు కావడం వల్ల విమర్శలు వచ్చే ఛాన్స్ ఉందని పవన్ భావించారని సమాచారం.

అయితే రాబోయే రోజుల్లో పవన్ కొత్త జంటను ఆశీర్వదించే అవకాశాలు అయితే ఉన్నాయని తెలుస్తోంది. పవన్ తో గ్యాప్ లేదని అలీ చెబుతుండగా పవన్, అలీ కలిసి ఒకే సినిమాలో కనిపిస్తే బాగుంటుందని ఫ్యాన్స్ కోరుకుంటున్నారు. పవన్ ప్రస్తుతం హరిహర వీరమల్లు షూట్ లో పాల్గొంటుండగా పవన్ కొత్త సినిమాల షూట్ కూడా అతి త్వరలో మొదలుకానుంది.

వరుసగా నాలుగు ప్రాజెక్ట్ లతో పవన్ బిజీ కానుండగా త్వరలో కొన్ని ప్రాజెక్ట్ లకు సంబంధించి అధికారిక ప్రకటన రానుంది. పవన్ రీఎంట్రీలో ప్రతి ప్రాజెక్ట్ సక్సెస్ సాధించే విధంగా జాగ్రత్తలు తీసుకుంటున్నారనే సంగతి తెలిసిందే.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..