బుల్లితెర యాంకర్ అనసూయ గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. తన టాలెంట్ తో జబర్దస్త్ షో ద్వారా అభిమానులకు దగ్గరైన అనసూయ ప్రస్తుతం అభినయ ప్రధాన పాత్రలకు ఎక్కువగా ఓకే చెబుతూ పాత్రకు అనుగుణంగా లుక్ ను మార్చుకుంటూ ప్రశంసలు అందుకుంటున్నారు. తాజాగా నంద్యాలలో షాపింగ్ మాల్ ఓపెనింగ్ కు హాజరైన అనసూయ అక్కడ కీలక వ్యాఖ్యలు చేశారు. జబర్దస్త్ షో మానేయడం వెనుక ఉన్న అసలు కారణాలను సైతం అనసూయ వెల్లడించడం గమనార్హం.
జబర్దస్త్ షోలో తాను నవ్వుతూ నవ్విస్తూ ఉంటానని ఆ షో వల్ల ఆడియన్స్ నన్ను యాంకర్ గా చూస్తున్నారే తప్ప నటిగా చూడటం లేదని ఆమె చెప్పుకొచ్చారు. తాను సినిమాలకు సంబంధించి ఎక్కువగా సీరియస్ రోల్స్ చేస్తున్నానని అనసూయ పేర్కొన్నారు. జబర్దస్త్ లో అలా సినిమాలలో ఇలా ఉండటం ఆడియన్స్ ను గందరగోళానికి గురి చేసిందని ఆమె కామెంట్లు చేశారు. ఈ కారణాల వల్లే తాను జబర్దస్త్ షోకు గుడ్ బై చెప్పడం జరిగిందని అనసూయ చెప్పుకొచ్చారు.
తాను జబర్దస్త్ షోకు దూరమైనా ఈ షో ద్వారానే నాకు గుర్తింపు వచ్చిందని ఆమె పేర్కొన్నారు. షాపింగ్ మాల్ ఓపెనింగ్ అనంతరం వేదికపై డ్యాన్స్ చేసిన అనసూయ భారీ సంఖ్యలో తరలివచ్చిన అభిమానులతో సెల్ఫీలు దిగారు. సోషల్ మీడియాలో మాత్రం అనసూయ యాక్టివ్ గా ఉంటున్నారు. అనసూయ రెమ్యునరేషన్ సైతం భారీ రేంజ్ లో ఉండగా అనసూయ డిమాండ్ చేస్తే ఎక్కువ మొత్తం పారితోషికం ఇవ్వడానికి సైతం నిర్మాతలు సిద్ధంగా ఉన్నారు.
అనసూయ (Anasuya) త్వరలో కొత్త ప్రాజెక్ట్ లను ప్రకటించనున్నారని తెలుస్తోంది. పుష్ప2 సినిమా నటిగా అనసూయను మరో మెట్టు పైకి ఎక్కిస్తుందని నెటిజన్ల నుంచి కామెంట్లు వ్యక్తమవుతున్నాయి. అనసూయను అభిమానించే ఫ్యాన్స్ సంఖ్య అంతకంతకూ పెరుగుతోంది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
