గంభీరమైన స్వరంతో ఆకట్టుకుంటున్న బిగ్ బాస్

ప్రస్తుతం బుల్లితెర రియాలిటీ షోలలో అందరి దృష్టిని ఆకర్షించిన వాటిలో బిగ్ బాస్ షో మొదటి స్థానంలో ఉంది. అందుకు కారణం ఒకటి ఎన్టీఆర్ హోస్ట్ చేయడం, రెండోది బిగ్ బాస్ వాయిస్. తారక్ హుషారుగా మాట్లాడుతూ పార్టిసిపెంట్స్ లో నింపుతుంటే.. బిగ్ బాస్ మాత్రం తన గాంభీర్యమైన వాయిస్ తో టెన్షన్ పెడుతున్నాడు. డిఫెరెంట్ టాస్క్ లు ఇస్తూ సెలబ్రిటీలకు చమటలు పెట్టిస్తున్నారు. దీంతో ఆ స్వరం ఎవరిది? అని తెలుసుకోవాలనే ఆసక్తి అందరిలోనూ నెలకొని ఉంది. హిందీ బిగ్ బాస్ షోలో బిగ్ బాస్ కి అతుల్ కపూర్ వాయిస్ ఇచ్చారు. ఫేమస్ డబ్బింగ్ ఆర్టిస్ట్ అయిన అతని స్వరం షోకి ప్లస్ అయింది.

మరి తెలుగులో వాయిస్ ఎవరిది? అని ఆరా తీయగా ఒకరి పేరు బయటికి వచ్చింది. అతనే రాధాకృష్ణ. ఇతను ఎక్కువగా సీరియల్స్ కు డబ్బింగ్ చెబుతుంటారు. సినిమాల్లో చాలామంది విలన్ పాత్రధారులకు డబ్బింగ్ చెప్పారు. ఎక్కువమందికి అతను తెలియక పోయినా.. డబ్బింగ్ సీరియల్స్ చూసే చాలామందికి అతని గొంతు పరిచయమే. అప్పుడు అతని ఫేస్ చూడాలని ఎవరూ అనుకోలేదు.. కానీ బిగ్ బాస్ షో తర్వాత అతన్ని చూడాలని అందరూ అనుకుంటున్నారు. మరి ఛానల్ వాళ్లు రివీల్ చేస్తారా? అనేది మాత్రం సస్పెన్స్.

Also, do SUBSCRIBE to our YouTube channel to get latest Tollywood updates.