చరణ్- శంకర్ ల ప్రాజెక్ట్ వెనుక అంత కథ నడిచిందా..!

February 13, 2021 / 05:24 PM ISTByFilmy Focus

Join Us

చరణ్- శంకర్ ల ప్రాజెక్ట్ వెనుక అంత కథ నడిచిందా..!

ఎట్టకేలకు ఆర్.ఆర్.ఆర్ తరువాత రాంచరణ్ చెయ్యబోయే ప్రాజెక్టు పై క్లారిటీ వచ్చేసింది. రాజమౌళి కంటే ముందుగానే ఇండియన్ లెవల్లో స్టార్ డైరక్టర్ గా పేరు తెచ్చుకున్న దర్శకుడు శంకర్ తో చరణ్ సినిమా ఉంటుందని ప్రకటన వచ్చేసింది. ఈ ప్రెస్టీజియస్ ప్రాజెక్టుని సక్సెస్ ఫుల్ ప్రొడ్యూసర్ దిల్ రాజు నిర్మించబోతున్నారు. చరణ్ కు ఇది 15వ చిత్రం కావడం విశేషం. అయితే ఈ ప్రాజెక్ట్ సెట్ అవ్వడం వెనుక చాలా కథే నడిచింది అనేది ఫిల్మ్ సర్కిల్స్ నుండీ అందిన సమాచారం.

ఈ ప్రాజెక్టుకి చరణ్ ఫస్ట్ ఛాయిస్ కాదట. పాన్ ఇండియా సబ్జెక్ట్ కోసం ఎదురుచూస్తున్న చరణ్ వద్దకు ఈ మధ్యనే ఇది వచ్చిందట. నిజానికి ఇదే ప్రాజెక్ట్ ను దిల్ రాజు.. ప్రభాస్ తో నిర్మించాలని అనుకున్నాడట. శంకర్ కూడా తన తరువాతి ప్రాజెక్ట్ ను ప్రభాస్ తో చేస్తే బాగుంటుంది అని చాలా ప్రయత్నాలు చేశాడట. ప్రభాస్ వద్దకు రెండు, మూడు సార్లు పైనే ఈ ప్రాజెక్ట్ గురించి డిస్కస్ చేశాడు దిల్ రాజు.

మొదట పాజిటివ్ గా స్పందించిన ప్రభాస్ … తరువాత ఈ ప్రాజెక్ట్ చెయ్యడం కోసం 2 ఏళ్ళు టైం కావాలని అడిగాడట. అప్పటివరకూ వెయిట్ చెయ్యడం ఇష్టం లేక..ఎలాగూ ఆర్.ఆర్.ఆర్ వంటి ప్రెస్టీజియస్ ప్రాజెక్ట్ చేస్తున్నాడు కాబట్టి .. చరణ్ తో చెయ్యడం బెటర్ అని శంకర్ మరియు దిల్ రాజు వెంటనే అతన్ని ఒప్పించి ఓకె చేయించుకున్నారు అని తెలుస్తుంది.