Vakeel Saab: ఆ విషయంలో టెన్షన్ పడుతున్న పవన్ ఫ్యాన్స్..?

పవర్ స్టార్ పవన్ కళ్యాణ్ నటించిన వకీల్ సాబ్ సినిమా నిన్నటి నుంచి అమెజాన్ ప్రైమ్ లో స్ట్రీమింగ్ అవుతున్న సంగతి తెలిసిందే. ఇప్పటికే థియేటర్లలో సినిమాను చూసిన పవన్ ఫ్యాన్స్ ఓటీటీలో వ్యూస్ పరంగా కొత్త రికార్డులు క్రియేట్ చేద్దామని భావించి మళ్లీ అమెజాన్ ప్రైమ్ లో సినిమాను చూస్తున్నారు. 26 కోట్ల రూపాయలకు వకీల్ సాబ్ హక్కులను కొనుగోలు చేసిన అమెజాన్ ప్రైమ్ నిర్వాహకులు ఈ సినిమాతో అమెజాన్ ప్రైమ్ సబ్ స్క్రైబర్ల సంఖ్య భారీగా పెరుగుతుందని భావిస్తున్నారు.

అయితే ఈ సినిమా రిలీజ్ సమయంలో గుర్తించని ఒక విషయాన్ని ఫ్యాన్స్ ఇప్పుడు నోటీస్ చేసి తెగ వైరల్ చేస్తున్నారు. స్టార్ హీరోల సినిమాలకు వావ్ అనిపించే బ్యాక్ గ్రౌండ్ మ్యూజిక్ తో టైటిల్ కార్డ్స్ లో పేరు పడుతుందనే సంగతి తెలిసిందే. వకీల్ సాబ్ సినిమాకు టైటిల్ కార్డ్ పంచ భూతాలతో కలిపి స్టార్ లా వచ్చి తర్వాత పవర్ స్టార్ పవన్ కళ్యాణ్ అని పేరు పడుతుంది. ఇది నోటీస్ చేసిన అభిమానులు దర్శకుడు శ్రీరామ్ వేణు ప్రతిభను ప్రశంసించకుండా ఉండలేకపోతున్నారు.

ఓటీటీలో వకీల్ సాబ్ ఎలాంటి రెస్పాన్స్ ను అందుకుంటుందో తెలియాలంటే కొన్నిరోజులు ఆగాల్సిందే. మరోవైపు పవన్ కళ్యాణ్ ప్రస్తుతం హరిహర వీరమల్లు అనే సినిమాలో నటిస్తుండగా ఈ సినిమాను కచ్చితంగా వచ్చే ఏడాది సంక్రాంతికి రిలీజ్ చేస్తామని నిర్మాత ప్రకటించారు. అయితే కరోనా సెకండ్ వేవ్ వల్ల పవన్ షూటింగ్ కు హాజరయ్యే పరిస్థితులు కనిపించడం లేదు. హరిహర వీరమల్లు సినిమాలో గ్రాఫిక్స్ కు ఎక్కువగా ప్రాధాన్యత ఉన్న సంగతి తెలిసిందే. సినిమాను సంక్రాంతికే రిలీజ్ చేయాలని భావించి క్వాలిటీ విషయంలో రాజీ పడవద్దని హరిహరవీరమల్లు నిర్మాతకు, క్రిష్ కు పవన్ ఫ్యాన్స్ సూచనలు చేస్తుండటం గమనార్హం.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!