Venkatesh, Aishwarya Rai: ఆ కారణం వల్లే వెంకటేష్ సరసన ఐశ్వర్యరాయ్ ను వద్దనుకున్నరా?

స్టార్ హీరోయిన్ ఐశ్వర్యారాయ్ ఇంతవరకు తన కెరీర్లో 40కుపైగా సినిమాల్లో నటించింది.. బాలీవుడ్, హాలీవుడ్, కోలీవుడ్ లోనే ఐశ్వర్యరాయ్ ఎక్కువ సినిమాలు చేసింది. ఈమె టాలీవుడ్ లో మాత్రం ఒక్కటంటే ఒక సినిమా కూడా చేయలేదు. గతంలో ఐశ్వర్యరాయ్ ను తెలుగులో ఎంట్రీ చేయాలని ఎన్నో ప్రయత్నాలు కూడా చేశారు అవి మధ్యలోనే ఆగిపోయాయి ఇదే సమయంలో గతంలో విక్టరీ వెంకటేష్ సినిమాతో ఐశ్వర్యారాయ్ ను టాలీవుడ్ కి పరిచయం చేయాలని అనుకున్నారు..

అయితే ఇది కూడా జరగలేదు..  (Venkatesh) వెంకటేష్ ఐశ్వర్య కాంబోలో ఎవరు ఊహించని ఓ సూపర్ హిట్ సినిమా మిస్సయింది. ఇంతకీ ఆ మూవీ ఏమిటంటే.. ప్రేమించుకుందాం రా. జయంత్ సి.పరాన్జీ దర్శకత్వంలో వెంకటేష్ హీరోగా వచ్చిన ఈ సినిమాను వెంకటేష్ అన్న సురేష్ బాబు సొంతంగా నిర్మించారు. ఇక ఈ సినిమాలో అంజలా జవేరి హీరోయిన్గా నటించింది.. టాలీవుడ్ లో ఈమెకు ఇదే మొదటి సినిమా. శ్రీహరి, జయప్రకాశ్ రెడ్డి, రంగనాథ్, అన్నపూర్ణ వంటి అగ్ర నటలు ఈ సినిమాలో కీలకపాత్రలో నటించారు.

ఫ్యాక్షన్ నేపథ్యంలో వచ్చిన ఈ సినిమా 1997లో విడుదలై బ్లాక్ బస్టర్ హిట్గా నిలిచింది.. మ్యూజికల్ గాను ఈ సినిమా సూపర్ హిట్ అయింది. ఇదే సమయంలో ఈ సినిమాలో మొదట ఐశ్వర్యరాయ్ ను హీరోయిన్‌గా అనుకున్నారు. అదే సమయంలో ఈ సినిమా దర్శకుడు జయంత్ కు తన బంధువుల ద్వారా ఐశ్వర్యరాయ్ తో కొంత పరిచయం ఏర్పడింది. ఆ పరిచయంతోనే ఐశ్వర్యరాయ్ ను ఈ సినిమాలో హీరోయిన్గా తీసుకుంటే బాగుంటుందని భావించారు. కానీ అదే సమయంలో ఐశ్వర్యరాయ్ తన కెరీర్ లో రెండు భారీ ప్లాప్‌లను తన ఖాతాలో వేసుకుంది.

ఇక దాంతో మూడో ప్లాఫ్ వస్తుందేమో అన్న భయంతో నిర్మాత సురేష్ బాబు ఐశ్వర్యరాయ్ ను హీరోయిన్ గా వద్దని చెప్పారట. ఇక అప్పుడు ఫైనల్ గా అంజలా జవేరి ని వెంకీకి జంటగా ఈ సినిమాలో ఎంపిక చేశారు. ఇక సినిమాలో వీరిద్దరి కెమిస్ట్రీ కూడా ఆన్ స్క్రీన్ పై ఎంతో అద్భుతంగా పండింది. ఈ సినిమా అప్పట్లో బాగా ఆకట్టుకుని భారీ వ‌సూళ్లను సాధించింది. ఈ విధంగా వెంకటేష్- ఐశ్వర్య కాంబోలో ఓ సూపర్ హిట్ సినిమా మిస్సయింది.

ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!

టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు