హైదరాబాద్ వేదికగా కరోనా వైరస్ విజృంభిస్తుంది. కఠిన లాక్ డౌన్ కొనసాగించినంత కాలం అదుపులో ఉన్న వైరస్ సడలింపులు అనంతరం ఒక్కసారిగా తీవ్ర రూపం దాల్చింది. మొన్నటివరకు సాధారణ ప్రజలు, సిబ్బందికి మాత్రమే సోకినా ఈ వైరస్ టాలీవుడ్ కి చేరుకుంది. ప్రముఖ నటుడు మరియు నిర్మాత బండ్ల గణేష్ కి కరోనా పాజిటివ్ రాగా ఆయన చికిత్స పొందుతున్నారు. టాలీవుడ్ లో బయటపడిన మొదటి కేసుగా ఇది నిల్చింది.
మొదట నాకు కోవిడ్ 19 సోకలేదని బుకాయించిన బండ్ల గణేష్ ఇప్పుడు చికిత్స తీసుకుంటున్నాడు. కాగా మరో నటుడు కూడా నేడు కరోనా బారిన పడడంతో ప్రమాద ఘంటికలు మోగుతున్నాయి. బుల్లి తెర నటుడు ప్రభాకర్ కోవిడ్ 19 బారిన పడ్డారు. ఆయన అనారోగ్యం పాలుకావడంతో కోవిడ్ టెస్ట్ చేయగా పాజిటివ్ అని వచ్చింది. ఆయన ఇటీవల ఓ టీవీ సీరియల్ షూటింగ్ లో పాల్గొన్నారని తెలుస్తుంది. దీనితో ఆ షూటింగ్ లో పాల్గొన్న టీమ్ సభ్యులు మొత్తం అప్రమత్తం అయ్యారు.
వారందరూ కోవిద్ 19 పరీక్షలు చేయించుకున్నట్లు సమాచారం. సదరు టీవీ సీరియల్ షూటింగ్ కూడా ఆపివేసినట్టు సమాచారం ఉంది. ఇప్పటికే కొంత మంది సీరియల్స్ మరియు చిన్న సినిమాల చిత్రీకరణ మొదలుపెట్టారు. నేటి సంఘటతో అరాకోరా షూటింగ్స్ కి కూడా బంద్ ప్రకటించే అవకాశం ఉంది. ప్రభాకర్ జీ తెలుగు లో సూర్యకాంతం అనే సీరియల్ లో నటించారు.
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
