ఈ నెల 10వ తేదీన నటసింహం నందమూరి బాలకృష్ణ పుట్టినరోజనే సంగతి తెలిసిందే. బాలయ్య పుట్టినరోజు కావడంతో ఆరోజున బాలకృష్ణ సినిమాలకు సంబంధించిన అప్ డేట్స్ ఉంటాయని ఆయన ఫ్యాన్స్ భావిస్తున్నారు. ప్రతి సంవత్సరం నందమూరి బాలయ్య పుట్టినరోజును అభిమానులు పండుగ రోజులా జరుపుకుంటారు. అయితే ఈ పుట్టినరోజుకు మాత్రం బాలయ్య ఏకంగా మూడు సర్ ప్రైజ్ లు ఇవ్వబోతున్నారని సమాచారం. అఖండ సినిమా నుంచి ఇప్పటికే రెండు టీజర్లు రిలీజ్ కాగా బాలయ్య పుట్టినరోజున పోస్టర్ తో పాటు ఈ సినిమా నుంచి ఒక పాట రిలీజయ్యే అవకాశం ఉందని ఇండస్ట్రీ వర్గాల్లో వినిపిస్తోంది.
అయితే మేకర్స్ నుంచి ఇందుకు సంబంధించిన అధికారిక ప్రకటన రావాల్సి ఉంది. క్రాక్ సినిమాతో బ్లాక్ బస్టర్ హిట్ ను సొంతం చేసుకున్న గోపీచంద్ మలినేని బాలకృష్ణకు ఇప్పటికే కథ చెప్పి ఒప్పించారు. బాలయ్య పుట్టినరోజు సందర్భంగా ఈ సినిమా అధికారిక ప్రకటనతో పాటు ఈ సినిమా టైటిల్ రివీలయ్యే అవకాశాలు ఉన్నాయి. మరోవైపు సక్సెస్ ఫుల్ డైరెక్టర్ గా పేరు తెచ్చుకున్న అనిల్ రావిపూడి ఎఫ్3 సినిమా షూటింగ్ పూర్తైన తరువాత బాలకృష్ణ సినిమాకు దర్శకత్వం వహించనున్నారు.
ఈ సినిమాకు సంబంధించిన అప్ డేట్ కూడా ఆరోజే వస్తుందని సమాచారం. రూలర్ తర్వాత గ్యాప్ వచ్చినా బాలయ్య క్రేజీ డైరెక్టర్ల డైరెక్షన్ లో నటించడానికి గ్రీన్ సిగ్నల్ ఇస్తూ కెరీర్ ను చక్కగా ప్లాన్ చేసుకుంటూ ఉండటం గమనార్హం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home