Prabhas: హీరోయిన్ కోసం డబుల్ మీనింగ్ ట్వీట్ అవసరమా ప్రభాస్?

ప్రభాస్ (Prabhas) పెట్టిన ఒక్క ఇన్స్టాగ్రామ్ స్టోరీ ఇప్పుడు సోషల్ మీడియా మొత్తాన్ని షేక్ చేస్తుంది. న్యూస్ ఛానల్స్ లో కూడా హెడ్ లైన్స్ ఇవే ఉంటున్నాయి. అంతేకాదు కేవలం ఈ పోస్ట్ కోసం స్పెషల్ గా న్యూస్ ఛానల్స్ లో బుల్లెటన్లు వంటివి కూడా రన్ చేస్తున్నారు. సోషల్ మీడియాలో పెద్ద ఎత్తున డిస్కషన్స్ కూడా జరుగుతున్నాయి. ఇంతకీ ప్రభాస్ ఇన్స్టా స్టోరీలో ఏముందో తెలుసు కదా..? ‘ఓ స్పెషల్ పర్సన్ మన జీవితంలో భాగం కాబోతున్నాడు.

వెయిట్ చేయండి’ అంటూ ప్రభాస్ తన స్టోరీగా పోస్ట్ చేశాడు. ప్రభాస్ అభిమానులు అతని సినిమా అప్డేట్స్ కంటే కూడా.. ‘పెళ్ళికి సంబంధించిన న్యూస్ కోసమే ఎక్కువగా ఎదురుచూస్తున్నారు’ అనేది వాస్తవం. ‘బాహుబలి’  (Baahubali) తర్వాత ప్రభాస్ అభిమానుల సంఖ్య రాష్ట్రాలు, దేశాలు కూడా దాటింది. అందువల్ల ‘ప్రభాస్ పెళ్లి’ అనేది కూడా పాన్ ఇండియా టాపిక్. కాబట్టి.. ప్రభాస్ పెట్టిన ఇన్స్టాగ్రామ్ స్టోరీ దేశవ్యాప్తంగా హాట్ టాపిక్ అయిపోయింది.

కానీ ప్రభాస్ పెట్టిన ఇన్స్టా స్టోరీ అతని పెళ్లి గురించి కాదు అనేది ఇన్సైడ్ టాక్. అతని అప్ కమింగ్ మూవీ ‘కల్కి 2898 AD’ (Kalki 2898 AD) లో హీరోయిన్ దీపికా (Deepika Padukone) పాత్రని పరిచయం చేస్తూ ఓ వీడియోను విడుదల చేయబోతున్నారట. దానికి సంబంధించిన పోస్ట్ అది అని తెలుస్తుంది. అయితే కేవలం సినిమా ప్రమోషన్ కోసం ఇలాంటి పోస్ట్ వెయ్యాలా? ఇది నిజంగా ‘అభిమానుల ఎమోషన్స్ తో ఆదుకోవడం’ అనే చెప్పాలి.