పవన్, త్రివిక్రమ్ కాంబినేషన్లో రానున్న మూవీలో తగ్గనున్న కామెడీ డోస్

మాటల మాంత్రికుడు త్రివిక్రమ్ శ్రీనివాస్ సినిమా అంటే కామెడీకి కొదవ ఉండదు. రచయితగా ఉన్నప్పటి నుంచి నవ్వులు పూయించడం ఆయనకు అలవాటు. పొడి పొడి మాటలతో నవ్వుల బాంబులు పేల్చడం త్రివిక్రమ్ కి పెన్ తో పెట్టిన విద్య. మాటల మాంత్రికుడు పవర్ స్టార్ పవన్ కళ్యాణ్ తో చేసిన జల్సా, అత్తారింటికి దారేది లోను కామెడీని వదల్లేదు. ఓ వైపు  సెంటిమెంట్ డైలాగ్స్ తో కంటతడి పెట్టిస్తూనే మధ్య, మధ్యలో రిలాక్స్ కోసం కామెడీని జోడించారు.

అయితే ఇప్పుడు వారిద్దరి కాంబినేషన్లో రానున్న మూడో మూవీలో మాత్రం నవ్వుకునే సీన్లు తక్కువగా ఉంటాయని సమాచారం. ఈ కథ ఎంతో సీరియస్ గా నడుస్తుందని, అందులో కామెడీ జొప్పించలేక పోవడం వల్ల ఈ నిర్ణయం తీసుకున్నట్లు తెలిసింది. ఈ సినిమాను పవన్ కి రాజకీయ ఎంట్రీ కి ఉపయోగ పడే విధంగా రాసినట్లు ఫిల్మ్ నగర్ వాసులు చెబుతున్నారు. ప్రతి డైలాగ్ మాస్ కి చేరే విధంగా త్రివిక్రమ్ పెన్ కదిలించారని వివరించారు. పంచ్ డైలాగుల శైలితో విజయాల్ని అందుకున్న త్రివిక్రమ్ ఈ సారి సీరియస్ మాటలతో ఎంత మేర సక్సస్ అవుతారో చూడాలి.

Also, do SUBSCRIBE to our YouTube channel to get latest Tollywood updates.