శ్రీదేవి టు శ్రీలీల.. ఈ 10 హీరోయిన్లు డ్యాన్స్ తో ఇండియన్ సినిమాని షేక్ చేసేశారు..!

సినిమాలో హీరోయిన్ అంటే కేవలం పాటలకు మాత్రమే పరిమితం అనుకునే రోజుల నుండి వచ్చాము. మెల్ల మెల్లగా ట్రెండ్ మారింది. హీరోయిన్లకు కూడా హీరోతో సమానంగా సినిమాలో పాత్రలు డిజైన్ చేస్తున్నారు. అయితే అన్ని సినిమాల్లోనూ కాదు. కొన్ని సినిమాల్లోనే..!స్టార్ హీరోల సినిమా అంటే.. హీరోయిన్లతో పెద్దగా పని ఉండదు. పాటొచ్చే రెండు, మూడు నిమిషాల ముందు హీరోయిన్ వస్తే చాలు. పాటల్లో కూడా హీరోయిన్లు పెద్దగా డాన్స్ చేయనవసరం లేదు. స్కిన్ షో చేస్తే చాలు. డాన్స్ చేసే అవకాశం హీరోయిన్లకు రాదు. వచ్చినా ఎంతమంది దానిని సద్వినియోగ పరుచుకుంటారో తెలీదు. ఇదంతా ఎందుకు చెబుతున్నాను అంటే.. నిన్ననే ‘ధమాకా’ సినిమా రిలీజ్ అయ్యింది.. మీ అందరికీ తెలుసు కదా..! సినిమా సో సో గానే ఉంది. కానీ హీరోయిన్ శ్రీలీల కోసం కచ్చితంగా ఒకసారి ఈ సినిమా చూడాలి అని చెప్పకుండా ఉండలేకపోతున్నాం. ముఖ్యంగా డాన్స్ ఇరగదీసేసింది. రవితేజకు ఏమాత్రం తగ్గని విధంగా ఈమె మాస్ స్టెప్పులతో ధియేటర్లలో రచ్చ చేయించింది. శ్రీలీల మాత్రమే కాదు ఇంకా కొంతమంది హీరోయిన్లు తమ డాన్స్ తో ఇండియన్ సినీ పరిశ్రమను ఓ ఊపు ఊపేశారు. ఇప్పుడు ఆ లిస్ట్ లో శ్రీలీల కూడా చేరింది. ఇంకా ఆ లిస్ట్ లో ఉన్న హీరోయిన్స్ ఎవరో ఓ లుక్కేద్దాం రండి :

1) మాధురి దీక్షిత్ :

తన అందంతో పాటు డాన్స్ తో కూడా మంత్రముగ్దుల్ని చేసేది ఈ బాలీవుడ్ హీరోయిన్. ఈమెను లిస్ట్ లో నెంబర్ 1 అనుకోవచ్చు.

2) ఊర్మిళ :

‘రంగీలా’ బ్యూటీ డాన్స్ తో అందరినీ మత్తెక్కించగలదు. ఆ సినిమా బ్లాక్ బస్టర్ అయ్యింది అంటే ఈమె డాన్స్ ప్రధాన కారణం అని చెప్పొచ్చు.

3) ఐశ్వర్య రాయ్ :

సాధారణంగా ఐశ్వర్యం అంటే డబ్బు అనాలి. కానీ దానికి డెఫినిషన్ అందం అని మార్చేసింది ఈ బ్యూటీ. అందం మాత్రమే కాదు డాన్స్ తో కూడా ఈమె టాప్ లేపేసేది.

4) రాధా :

అప్పట్లో మన మెగాస్టార్ చిరంజీవితో కలిసి ఈమె చేసే డాన్స్ కు థియేటర్స్ లో జనాలు.. ఈలలు, కేకలతో ధూమ్ ధామ్ చేసేవారు. అంత బాగా డాన్స్ చేసేది.

5) శ్రీదేవి :

మన ‘అతిలోక సుందరి’ శ్రీదేవి కూడా తన డాన్స్ తో ఇండియన్ సినిమాని ఓ ఊపేసింది.

6) సమీరా రెడ్డి :

ఎంత ఫేడౌట్ అయిపోయినా సరే.. ఈమె డాన్స్ మాత్రం ఇరక్కొట్టేసేదండి.

7) తమన్నా :

మిల్కీ బ్యూటీ కూడా డాన్స్ సూపర్ గా చేస్తుంది. ఈమె అందానికి డాన్స్ తోడైతే ఎలా ఉంటుందో చాలా సినిమాల్లో చూశాం..!

8) శృతి హాసన్ :

హీరోలకు ఏమాత్రం తీసిపోని విధంగా ఈమె డాన్స్ చేయగలదు. ఈమె కూడా బెస్ట్ డాన్సర్ అని చెప్పొచ్చు.

9) సాయి పల్లవి :

మన ‘ఫిదా’ బ్యూటీ డాన్స్ గురించి చెప్పేదేముంది. ఈమె డాన్స్ చేసే సాంగ్స్ అన్నీ యూట్యూబ్లో బిలియన్ వ్యూస్ ను కొల్లగొడుతుంటే. హీరోలు కూడా ఈమెతో పోటీపడి డాన్స్ చేయలేకపోతున్నారు.

10) శ్రీలీల :

ఆల్రెడీ చెప్పుకున్నాం. అందం మాత్రమే కాదు అద్భుతంగా డాన్స్ చేయగలదు. ఈమె డాన్స్ లో మంచి గ్రేస్ కూడా ఉంటుంది.