పవర్ స్టార్ పవన్ కళ్యాణ్ సినీ కెరీర్ లోని హిట్లలో జల్సా మూవీ ఒకటనే సంగతి తెలిసిందే. త్రివిక్రమ్ శ్రీనివాస్ డైరెక్షన్ లో ఇలియానా, పార్వతీ మెల్టన్ హీరోయిన్లుగా గీతా ఆర్ట్స్ బ్యానర్ పై తెరకెక్కిన ఈ సినిమా ప్రేక్షకులను ఎంతగానో ఆకట్టుకుంది. దేవి శ్రీ ప్రసాద్ ఈ సినిమాకు మ్యూజిక్ అందించగా ఈ సినిమాలోని పాటలు ఊహించని స్థాయిలో హిట్ అయ్యాయి. పవన్ కళ్యాణ్ ప్రస్తుతం హరిహర వీరమల్లు సినిమాలో నటిస్తున్నారు.
హరిహర వీరమల్లు మూవీ థియేటర్లలో ఎప్పుడు విడుదలవుతుందో క్లారిటీ రావాల్సి ఉంది. అయితే జల్సా మూవీని పవన్ పుట్టినరోజున రీ రిలీజ్ చేయాలని అభిమానులు కోరుకుంటున్నారు. మహేష్ పుట్టినరోజు కానుకగా తెలుగు రాష్ట్రాల్లోని పలు ప్రాంతాలలో ఒక్కడు, పోకిరి సినిమాలు రీరిలీజ్ అవుతున్న నేపథ్యంలో ఇతర హీరోల అభిమానులు సైతం తమ ఫేవరెట్ హీరోల హిట్ సినిమాలను రీరిలీజ్ చేయడంపై ఆసక్తి చూపిస్తున్నారు. విడుదలై చాలా సంవత్సరాలే అయినా ఇప్పటికీ టీవీలలో మంచి రేటింగ్ ను సొంతం చేసుకుంటున్న సినిమాలలో జల్సా సినిమా ఒకటని చెప్పవచ్చు.
అయితే థియేటర్లలో ఈ సినిమాను రీరిలీజ్ చేయడం కష్టమని బోగట్టా. ఈ సినిమాకు సంబంధించిన ఒరిజినల్ డిపిఎక్స్ ఫైల్ మిస్సైందని తెలుస్తోంది. ప్రస్తుతం గీతా ఆర్ట్స్ వాళ్లు ఆ ఫైల్ ను వెతికే పనిలో బిజీగా ఉన్నారని ఆ ఫైల్ దొరికితే మాత్రం జల్సా మూవీ రీరిలీజ్ అవుతుందని తెలుస్తోంది. పవన్ అభిమానులు ఎంతో ఇష్టపడే సినిమాలలో జల్సా సినిమా ఒకటి కాగా పవన్ నటన,
త్రివిక్రమ్ డైలాగ్స్, బ్రహ్మానందం కామెడీ, ప్రకాష్ రాజ్ నటన ఈ సినిమాకు ప్రత్యేక ఆకర్షణగా నిలిచాయి. జల్సా రీరిలీజ్ చేస్తే మా కోరిక నెరవేరుతుందని ఫ్యాన్స్ చెబుతున్నారు. పవన్ నటించిన పలు హిట్ సినిమాలను సైతం రీరిలీజ్ చేయాలని పవన్ ఫ్యాన్స్ కోరుకుంటున్నారు.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home