పవన్ సినిమాలో యువ హీరోలు..!

పవర్ స్టార్ పవన్ కళ్యాణ్ కొత్త మూవీ షూటింగ్ వేగంగా జరుగుతోంది. ఇంకా టైటిల్ ఖరారు చేయని ఈ సినిమాకు డాలీ దర్శకత్వం వహిస్తున్నారు. శరత్ మరార్ నిర్మిస్తున్న ఈ చిత్రంలో శృతి హాసన్ హీరోయిన్ గా నటిస్తోంది. ఇందులో ముఖ్యమైన పాత్రల్లో యువ హీరోలను నటింపచేయాలని పవన్ భావిస్తున్నారు. వరుస విజయాలతో దూసుకు పోతున్న శర్వానంద్ ప్రస్తుతం దిల్ రాజు నిర్మాణంలో సతీష్ వెగ్నేష్ దర్శకత్వంలో శతమానం భవతి సినిమాలో నటిస్తున్నాడు. ఇతన్ని డాలీ బృందం కలిసి పాత్ర గురించి వివరించింది. నిడివి తక్కువైనా పేరు వచ్చే పాత్ర కావడంతో సంతోషంగా శర్వానంద్ ఒప్పుకున్నట్లు తెలిసింది.

పెళ్ళిచూపులు సినిమాతో మంచి హిట్ అందుకున్న హీరో విజయ్ దేవరకొండ ను కూడా చిత్ర యూనిట్ సభ్యులు సంప్రదించారని.. మూడు చిత్రాలతో బిజీగా ఉన్నా పవర్ స్టార్ చిత్రంలో నటించడానికి విజయ్ సిద్ధంగా ఉన్నట్లు సమాచారం. హీరోగా నటిస్తూనే విలన్ పాత్రలు సై అంటున్న నవీన్ చంద్ర కూడా పవన్ సినిమాలో ఇంట్రెస్టింగ్ పాత్రలో కనిపించనున్నారు. తమిళ చిత్రం వీరమ్ కు రీమేక్ అయినా ఇందులో ముగ్గురు యువ హీరో నటిస్తున్న సంగతిని దర్శకుడు పవన్ పుట్టిన రోజు(సెప్టెంబర్ 2)న వెల్లడించనున్నారు. ఆరోజే సినిమా టైటిల్, ఫస్ట్ లుక్ విడుదల చేయనున్నారు.