నిన్న మొన్నటి వరకు యంగ్ హీరోగా పిలవబడుతూ వచ్చిన శర్వానంద్.. ఇటీవల పెళ్లి చేసుకుని ఓ ఇంటివాడు అయిపోయిన సంగతి తెలిసిందే. తెలంగాణ హైకోర్టు న్యాయవాది మధుసూదన్ రెడ్డి కుమార్తె రక్షిత రెడ్డిని వివాహం చేసుకోబోతున్నాడు శర్వానంద్. రక్షిత.. చిత్తూరు జిల్లాకు చెందిన తెలుగుదేశం పార్టీ నాయకుడు, శ్రీకాళహస్తి నుండి 4 సార్లు ఎమ్మెల్యేగా గెలిచిన దివంగత బొజ్జల గోపాలకృష్ణారెడ్డి మనవరాలు. రక్షిత రెడ్డి తండ్రి మధుసూదన్ రెడ్డి సోదరుడు గంగారెడ్డి.. బొజ్జల గోపాలకృష్ణారెడ్డి అల్లుడు .
ఆ విధంగా రక్షిత రెడ్డి.. గోపాలకృష్ణారెడ్డికి మనవరాలు అవుతుంది. ఇక శర్వానంద్ – రక్షిత రెడ్డి ల నిశ్చితార్థ వేడుక జనవరి 26న ఘనంగా జరిగింది. ఈ వేడుకకు రాంచరణ్ – ఉపాసన, సిద్దార్థ్ – అదితి రావు హైదరి… వంటి వారు కూడా హాజరైన సంగతి తెలిసిందే. ఇక జూన్ 3న శర్వానంద్- రక్షిత ల వివాహం జైపూర్లోని లీలా ప్యాలెస్ లో అంగరంగ వైభవంగా జరిగింది. ప్రీ వెడ్డింగ్ సెలబ్రేషన్స్ ఓ రేంజ్ లో జరిగాయి. తర్వాత పెళ్లి వేడుక కూడా ఘనంగా జరిగింది.
రాంచరణ్, సిద్దార్థ్ , అదితి రావు హైదరి వంటి వారు శర్వానంద్ పెళ్ళిలో సందడి చేశారు. ఇక ఈరోజు అంటే జూన్ 9 న శర్వానంద్ – రక్షిత రెడ్డి ల వెడ్డింగ్ రిసెప్షన్ హైదరాబాద్ లోని మాదాపూర్ లో ఉన్న ఎన్ కన్వెన్షన్ లో ఘనంగా జరిగింది. ఈ వేడుకకు రాంచరణ్, వెంకటేష్, బాలకృష్ణ, అల్లరి నరేష్,నిర్మాత సూర్య దేవర నాగ వంశీ, అల్లు శిరీష్, జీవిత రాజశేఖర్, శివాని, శివాత్మిక వంటి వారు హాజరయ్యారు. ఈ వేడుక సంబంధించిన ఫోటోలు ఇప్పుడు వైరల్ అవుతున్నాయి. మీరు కూడా ఓ లుక్కేయండి:
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
