సాధారణంగా సినిమా ఇండస్ట్రీలో ఒక స్టార్ హీరో సినిమా విడుదలవుతుందంటేనే పెద్ద ఎత్తున వారి అభిమానులు చేసే హంగామా మామూలుగా ఉండదు. ఈ విధంగా ఆ హీరో సినిమా విడుదలకు ముందు నుంచే పెద్ద ఎత్తున థియేటర్ వద్ద సందడి చేస్తుంటారు. ఈ విధంగా ఒక స్టార్ హీరో సినిమా విడుదలకే ఇంత హంగామా ఉంటే ఒకే నెలలో నలుగురు స్టార్ హీరోల సినిమాలు విడుదలవుతున్నాయి అంటే ఇక ఎలా ఉంటుందో ఊహించుకోవచ్చు.
సాధారణంగా ఇలా స్టార్ హీరోల సినిమాలన్నీ కూడా పండగ సందర్భంలో విడుదలవుతాయి. ఈ క్రమంలోనే దసరా, సంక్రాంతి పండగలకు పెద్ద ఎత్తున సినిమాలు విడుదల కాబోతున్నాయి. అయితే వచ్చేయడాది ఏప్రిల్ నెలలో మాత్రం సినీ ప్రేమికులకు జాతర అని చెప్పాలి.ఈ క్రమంలోనే 2023 ఏప్రిల్ నెలలో ఏకంగా బాక్స్ ఆఫీస్ బరిలో నలుగురు స్టార్ హీరోలు పోటీ పడుతున్నట్టు తెలుస్తుంది. ఇప్పటికే త్రివిక్రమ్ శ్రీనివాస్ మహేష్ బాబు కాంబినేషన్లో రాబోతున్న సినిమా విడుదల 2023 ఏప్రిల్ 28వ తేదీ విడుదల చేయనున్నట్లు ప్రకటించారు.
ఈ సినిమా విడుదల తేదీలో ఎటువంటి మార్పులు ఉండవని తెలుస్తుంది. ఈ తేదీ మహేష్ బాబుకు సెంటిమెంట్ కావడంతో ఈ సినిమా తేదీలో మార్పులు ఉండవని సమాచారం. ఇక మెగాస్టార్ చిరంజీవి నటిస్తున్న భోళా శంకర్ సినిమా కూడా అదే నెల 14వ తేదీ ప్రేక్షకుల ముందుకు రాబోతున్నట్లు తాజాగా మెగాస్టార్ చిరంజీవి బర్త్ డే సందర్భంగా ప్రకటించారు .ఇకపోతే క్రిష్ పవర్ స్టార్ పవన్ కళ్యాణ్ కాంబినేషన్ లో వస్తున్న హరిహర వీరమల్లు సినిమా వచ్చే నెల నుంచి శరవేగంగా షూటింగ్ పనులను జరుపుకొని వచ్చే ఏడాది ఏప్రిల్ నెలలో విడుదలకు సిద్ధమవుతోంది.
అదేవిధంగా అనిల్ రావిపూడి బాలకృష్ణ కాంబినేషన్లో రాబోయే సినిమా కూడా వచ్చే ఏడాది ఏప్రిల్ నెలలో విడుదల కాబోతుందని వార్తలు వచ్చాయి.ఇలా టాలీవుడ్ ఇండస్ట్రీలో ఎంతో క్రేజ్ ఉన్నటువంటి ఈ నలుగురు హీరోల సినిమాలు ఒకే నెలలో విడుదల కాబోతున్నాయని తెలియజేయడంతో బాక్సాఫీస్ బరిలో పెద్ద ఎత్తున పోటీ ఉండబోతుందని తెలుస్తుంది. మరి ఈ పోటీలో ఎవరు హిట్టు కొడతారు అనే విషయం తెలియాల్సి ఉంది.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
