రష్మిక మందన.. ఈ పేరు తెలుగు సినీ ప్రేక్షకులకు అసలు పరిచయమే లేదు. కానీ టాలీవుడ్ స్టార్ హీరోలు తమ సినిమాలో ఈమె నటించాలని కోరుకుంటున్నారు. రష్మిక డేట్స్ కోసం నిర్మాతలు క్యూ కడుతున్నారు. అంతలా డిమాండ్ ఎందుకు వచ్చింది? ఇంతకీ ఈమె ఎవరు? అనే ప్రశ్నలు కలగడం సహజం. రష్మిక మందన కన్నడ బ్యూటీ. ఆమె కిట్టీ పార్టీ అనే కన్నడ మూవీలో లీడ్ పాత్రలో నటించింది. ఆ సినిమా కలక్షన్ల వర్షం కురిపించడంతో పాటు రష్మిక కు మంచి పేరు తెచ్చి పెట్టింది. దీంతో మొదటగా యువ హీరో నాగ శౌర్య ఆమె డేట్స్ పట్టేసాడు. సుజీత్ దర్శకత్వంలో ప్రభాస్ నటించే సినిమాలోను రష్మిక హీరోయిన్ గా ఛాన్స్ కొట్టేసింది.
డార్లింగ్ మూవీలో నటిస్తుందనగానే ఆమె పేరు టాలీవుడ్ లో మారుమోగింది. నాని నిన్నుకోరి తర్వాత చేయనున్న సినిమాలో ఆమె కావాలని పట్టుబడుతున్నారు. ఇక అల్లు అర్జున్ ప్రస్తుతం దువ్వాడ జగన్నాథం చేస్తున్నారు. దీని తర్వాత వక్కంతు వంశీ దర్శకత్వంలో నాపేరు సూర్య.. నా ఊరు ఇండియా అనే చిత్రాన్ని చేయనున్నారు. ఇందులో రష్మికను నటింపజేసేందుకు ప్రయత్నాలు మొదలయ్యాయి. ఇలా తెలుగులో ఒక సినిమాలో నటించకముందే రష్మిక బిజీ హీరోయిన్ అయిపోయింది. ఇక ఆమె సినిమా హిట్ అయితే టాలీవుడ్ టాప్ హీరోయిన్స్ జాబితాలో చేరిపోవడం గ్యారంటీ.
Also, do SUBSCRIBE to our YouTube channel to get latest Tollywood updates.
