టాలీవుడ్.. చరిత్రపై ఫోకస్ చేయట్లేదా?

తెలుగు చిత్ర పరిశ్రమ (Tollywood) ఇప్పుడు పాన్ ఇండియా మార్కెట్‌లో దూసుకుపోతున్నా, చారిత్రక కధల విషయంలో మాత్రం కొంత వెనకబడిందని విమర్శలు వినిపిస్తున్నాయి. గతంలో సైరా (Sye Raa Narasimha Reddy), గౌతమీపుత్ర శాతకర్ణి (Gautamiputra Satakarni), రుద్రమదేవి (Rudramadevi) లాంటి సినిమాలు భారీ విజయం సాధించాయి. అయితే ఇప్పుడు కమర్షియల్ ఫార్ములాలకే ఎక్కువ ప్రాధాన్యతనిస్తూ చారిత్రక నేపథ్యాలపై దృష్టి తగ్గినట్టుగా అనిపిస్తోంది. ఇటీవల బాలీవుడ్‌లో విక్కీ కౌశల్  (Vicky Kaushal) నటించిన చావా (Chhaava) అనే చిత్రం ఘనవిజయం సాధించింది. ఇది ఛత్రపతి శివాజీ కుమారుడు శాంభాజీ మహారాజ్ జీవితం ఆధారంగా రూపొందింది.

Tollywood

ఈ చిత్రం దక్షిణాదిలో కూడా మంచి వసూళ్లు రాబట్టింది. అదే కథాంశాన్ని టాలీవుడ్ ముందే పట్టుకుని తీసుంటే, క్రేజ్ వేరే లెవెల్లో ఉండేదని సినీ విశ్లేషకుల అభిప్రాయం. తెలుగు చిత్రసీమ ఇప్పటికే టెక్నికల్ గా, మార్కెటింగ్ లో టాప్ స్థాయికి వెళ్లింది. కానీ కంటెంట్ విషయంలో మాత్రం చారిత్రక ప్రాజెక్ట్స్ వైపు మొగ్గు చూపడం లేదు. నిజానికి తెలుగు చరిత్రలో ఎన్నో గొప్ప సంఘటనలు ఉన్నాయి. కాకతీయులు, విజయనగర సామ్రాజ్యం, అల్లూరి సీతారామరాజు వంటి వీరుల జీవితం ఆధారంగా ఎన్నో సినిమాలు తీయొచ్చు.

కానీ వాటి జోలికి దారితప్పకుండా కేవలం మాస్ కథలకే పరిమితమవుతున్న దర్శక నిర్మాతలు, టాలీవుడ్ (Tollywood) శ్రేణులపై విమర్శలు వస్తున్నాయి. ఒకవేళ బాలీవుడ్ ఈ కథలను ముందు చూపుతో తెరపైకి తీసుకుంటే, మనకు మాత్రమే చెందాల్సిన కథలు వారిది అయిపోతాయన్నదే ఆవేదన. చరిత్ర అంటే పాఠశాలలో చదవాల్సిన పాఠాలు మాత్రమే కాదు, సినిమాగా తెరకెక్కితే భావోద్వేగాలు, సందేశాలు, విశ్వవిద్యాలయం లాంటి అనుభూతులను అందిస్తాయి. ప్రేక్షకుడు కూడా ఇప్పుడు ప్రయోగాత్మక చిత్రాలను ఆదరిస్తున్నాడు.

అలాంటప్పుడు పాన్ ఇండియా రేంజ్‌లో చరిత్ర ఆధారిత కథలపై తెలుగు దర్శకులు మరింతగా దృష్టి పెట్టాల్సిన అవసరం ఉంది. మొత్తానికి కమర్షియల్ ట్రెండ్‌లతో పాటు చారిత్రక కధల వైపు కూడా టాలీవుడ్ నడవాలి. విజువల్ స్పెక్టాకిల్స్‌కి ఎలాంటి కొరత లేని ఈ ఇండస్ట్రీ, సాహసంగా అడుగులేస్తే బాహుబలి (Baahubali) తరహాలో మరో విజయం దక్కుతుంది. ఇప్పటికైనా చరిత్ర వైపు అడుగులు వేయాలి, లేదంటే మరెన్నో గొప్ప కథలు మన చేతుల నుంచి బాలీవుడ్‌కు జారిపోతాయి.

‘అర్జున్ సన్ ఆఫ్ వైజయంతి’ మూవీ థియేట్రికల్ బిజినెస్ డీటెయిల్స్..!