Tollywood: స్టార్ హీరోలలో నంబర్ 1 హీరో ఎవరో తెలుసా..?

టాలీవుడ్ ఇండస్ట్రీలో నంబర్ 1 హీరో ఎవరనే ప్రశ్నకు కొన్నేళ్ల క్రితం వరకు మెగాస్టార్ చిరంజీవి పేరు సమాధానంగా వినిపించేది. అయితే చిరంజీవి రాజకీయాల్లోకి ఎంట్రీ ఇచ్చిన తరువాత నంబర్ వన్ హీరో ఎవరనే ప్రశ్నకు వేర్వేరు హీరోల పేర్లు సమాధానంగా వినిపిస్తున్నాయి. ఆర్మాక్స్ మీడియా టాలీవుడ్ నంబర్ 1 హీరో ఎవరనే సర్వేను నిర్వహించి ప్రస్తుతం టాలీవుడ్ నంబర్ 1 హీరో మహేష్ బాబు అని వెల్లడించింది. బ్యాక్ టు బ్యాక్ హిట్స్ తో క్రేజ్, మార్కెట్ ను పెంచుకుంటున్న మహేష్ కెరీర్ ను చక్కగా ప్లాన్ చేసుకుంటూ నంబర్ 1 స్థానంలో నిలిచారు.

మహేష్ తరువాత స్థానంలో ఐకాన్ స్టార్ అల్లు అర్జున్ ఉన్నారు. అల వైకుంఠపురములో సినిమాతో ఇండస్ట్రీ హిట్ అందుకున్న బన్నీ ప్రస్తుతం సుకుమార్ డైరెక్షన్ లో పుష్ప సినిమాలో నటిస్తున్నారు. మూడో స్థానంలో పాన్ ఇండియా హీరోగా గుర్తింపును సంపాదించుకున్న ప్రభాస్ ఉన్నారు. ప్రభాస్ ప్రస్తుతం రాధేశ్యామ్, సలార్, ఆదిపురుష్ సినిమాలలో నటిస్తున్నారు. నాలుగో స్థానంలో యంగ్ టైగర్ ఎన్టీఆర్ ఉండగా ఎన్టీఆర్ ప్రస్తుతం రాజమౌళి దర్శకత్వంలో ఆర్ఆర్ఆర్ సినిమాలో నటిస్తున్నారు.

గత కొన్నేళ్లుగా సినిమాలకు దూరంగా ఉంటూ వకీల్ సాబ్ సినిమాతో రీఎంట్రీ ఇచ్చిన పవన్ కళ్యాణ్ ఐదో స్థానానికి పరిమితం కాగా రామ్ చరణ్ ఆరో స్థానానికి పరిమితమయ్యారు. నాని, విజయ్ దేవరకొండ, రవితేజ, చిరంజీవి 7, 8, 9, 10 స్థానాల్లో ఉన్నారు. టాప్ 10 హీరోల జాబితాలో కొందరు సీనియర్ హీరోలకు చోటు దక్కకపోవడం గమనార్హం.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!