‘బాహుబలి2’ తర్వాత యంగ్ రెబల్ స్టార్ ప్రభాస్ నుండీ వచ్చిన చిత్రం ‘సాహో’ ఎన్నో అంచనాల మధ్య విడుదలైంది. అయితే ఆ అంచనాల్ని మాత్రం పెద్దగా అందుకోలేదనే చెప్పాలి. కానీ హిందీలో మాత్రం ‘సాహో’ చిత్రం హిట్టయ్యింది. మొత్తంగా అయితే ‘సాహో’ చిత్రం యావరేజ్ గా నిలిచిందని చెప్పాలి. ఇది పక్కన పెడితే.. ‘సాహో’ లో ‘బ్యాడ్ బాయ్’ సాంగ్ ఎంత పాపులర్ అయ్యిందో ప్రత్యేకంగా చెప్పనక్కర్లేదు. అయితే మొదట ఈ పాట కోసం కాజల్ అగర్వాల్ ను అనుకున్నారంటూ వార్తలు వచ్చాయి.
కాజల్ నో చెప్పడంతో జాక్వలిన్ ఫెర్నాండేజ్ ను తీసుకున్నారని కూడా ఓ రేంజ్ లో వచ్చాయి. కాజల్ ఎక్కువ పారితోషికం అడగడం వలనే… జాక్వలిన్ ఫెర్నాండేజ్ ను తీసుకున్నారని… దీంతో కాజల్… ప్రభాస్ పై అలిగిందనే కామెంట్స్ కూడా వినిపించాయి. అయితే ఆ ప్రచారంలో ఏమాత్రం వాస్తవం లేదని చిత్ర యూనిట్ సభ్యులు చెప్పుకొచ్చారు. ఇప్పుడు ఆ విషయం పక్కన పెడితే ఇటీవల ఓ ఇంటర్వ్యూలో ప్రభాస్ పై కాజల్ చేసిన కామెంట్స్ వైరల్ గా మారాయి. ప్రభాస్ ను హాలీవుడ్ సూపర్ హీరోలతో పోలుస్తూ ప్రశంసల వర్షం కురిపించింది కాజల్. కాజల్ మాట్లాడుతూ.. ‘ఐరన్ మ్యాన్, హల్క్ ఇద్దరూ కలిస్తే ఎలా ఉంటుందో ప్రభాస్ అలా ఉంటాడు’ అని కాజల్ అనడం సంచలనం సృష్టించింది. గతంలో ప్రభాస్ తో ‘డార్లింగ్’, ‘మిస్టర్ పర్ఫెక్ట్’ వంటి చిత్రాల్లో హీరోయిన్ గా నటించింది కాజల్. ఆ రెండు సినిమాలు సూపర్ హిట్ అయ్యాయి. అంతే కాదు వీళ్ళిద్దరి మధ్య ప్రేమాయణం కూడా నడించిందనే కామెంట్స్ కూడా వినిపించాయి.
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి
