బిగ్ బాస్ షోలో పార్టిసిపెంట్స్ గా సినీ స్టార్లు

స్టార్ మా ఛానల్ వాళ్ళు నిర్మిస్తున్న బిగ్ బాస్ షోకి అంతా సిద్ధమైంది. ఇందుకు హోస్ట్ గా యంగ్ టైగర్ ఎన్టీఆర్ ని తీసుకొని షో రేంజ్ ని పెంచిన నిర్వాహకులు.. పార్టిసిపెంట్స్ గా తెలుగు సినీ నటీనటులను ఎంపిక చేసి క్రేజ్ తెప్పిస్తున్నారు. ఈనెల 16 నుంచి నిర్విరామంగా 70 రోజుల పాటు సాగే రియాలిటీ షో లో పాల్గొనే 12 మంది సెలబ్రిటీల్లో ఆరు మంది పేర్లు బయటికి వచ్చాయి. రచయిత పోసాని కృష్ణ మురళి, అలనాటి హీరోయిన్లు స్నేహ, రంభ, సదా, నేటి హీరోయిన్ వరంగల్ అమ్మాయి ఈషా, మంచు లక్ష్మి సెలక్ట్ అయినట్లు సమాచారం.

వీరితో పాటు ఇతర రంగాల్లో ప్రాచుర్యం పొందిన సెలబ్రిటీలు పాల్గొననున్నారు. వారి పేర్లను కూడా త్వరలో స్టార్ మా టీవీ వారు వెల్లడించనున్నారు. ఈ పన్నెండుమంది సెలబ్రిటీలు ముంబై లోని ఓ స్టూడియోలో వేసిన పెద్ద హౌస్ సెట్ లో 70 రోజులు కలిసి నివసించనున్నారు. పార్టీసిపెంట్స్ కి బయటి ప్రపంచంతో సంబంధం ఉండదు. హిందీలో బాగా పాపులర్ అయిన ఈ షో తెలుగులోను హిట్ సాధించడానికి అన్ని విధాలుగా హంగులు జోడిస్తున్నారు.

Also, do SUBSCRIBE to our YouTube channel to get latest Tollywood updates.