Samajavaragamana: ఆ హీరో రిజెక్ట్ చేయడమే శ్రీవిష్ణుకు వరమైందా.. ఏం జరిగిందంటే?

2023 సంవత్సరంలో పెద్ద సినిమాల కంటే కంటెంట్ ఉన్న చిన్న సినిమాలే సక్సెస్ సాధిస్తూ నిర్మాతలకు మంచి లాభాలను అందిస్తున్నాయి. ఈ ఏడాది చిన్న సినిమాగా విడుదలై సంచలన విజయం సాధించిన సినిమాలలో సామజవరగమన సినిమా కూడా ఒకటనే సంగతి తెలిసిందే. నిర్మాత అనిల్ సుంకరకు ఈ సినిమా మంచి లాభాలను అందించడంతో పాటు ప్రేక్షకులకు ఈ సినిమా ఎంతగానో నచ్చేసింది. ఊహించని ట్విస్టులు ఈ సినిమా సక్సెస్ లో కీలక పాత్ర పోషించాయి.

అయితే ఈ సినిమాలో నటించే అవకాశం మొదట సందీప్ కిషన్ కు వచ్చిందని కథ నచ్చినా మైఖేల్ సినిమాతో బిజీగా ఉండటంతో సందీప్ కిషన్ ఈ సినిమాను మిస్ చేసుకునే పరిస్థితి ఏర్పడిందని కామెంట్లు వ్యక్తమవుతూ ఉండటం గమనార్హం. సందీప్ చేతులారా ఈ సినిమాను మిస్ చేసుకున్నారని సమాచారం అందుతోంది. సందీప్ నో చెప్పడం వల్ల శ్రీవిష్ణు ఈ ప్రాజెక్ట్ లోకి ఎంట్రీ ఇచ్చి ఈ సినిమాలో నటించి సక్సెస్ సాధించడం గమనార్హం.

మైఖేల్ సినిమాలో నటించకుండా (Samajavaragamana) సామజవరగమనలో నటించి ఉంటే సందీప్ కిషన్ కెరీర్ మరో విధంగా ఉండేదని అభిప్రాయాలు వ్యక్తమవుతున్నాయి. సామజవరగమన సక్సెస్ తో శ్రీవిష్ణు పారితోషికం సైతం పెరిగిందని సమాచారం అందుతోంది. సరైన ప్రాజెక్ట్ లను ఎంచుకుంటే శ్రీవిష్ణు కెరీర్ కు తిరుగుండదని అభిప్రాయాలు వ్యక్తమవుతున్నాయి. సందీప్ కిషన్ కథల ఎంపికలో జాగ్రత్త పడాల్సిన అవసరం అయితే ఉందని కామెంట్లు వినిపిస్తున్నాయి.

మరోవైపు పెద్ద నిర్మాతలు సైతం కంటెంట్ ఉన్న చిన్న సినిమాలపై దృష్టి పెడుతున్నారు. కథ అద్భుతంగా ఉంటే చిన్న సినిమాలే కలెక్షన్ల విషయంలో సరికొత్త రికార్డులను క్రియేట్ చేస్తున్నాయని అభిప్రాయాలు వ్యక్తమవుతున్నాయి. శ్రీవిష్ణును అభిమానించే వాళ్ల సంఖ్య అంతకంతకూ పెరుగుతోంది. హీరో శ్రీవిష్ణు భవిష్యత్తు సినిమాలు ఏ విధంగా ఉండనున్నాయో తెలియాల్సి ఉంది.

హిడింబ సినిమా రివ్యూ & రేటింగ్!

అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!