పవన్ తో ఇబ్బంది పడుతున్న త్రివిక్రమ్!

పవన్ కల్యాణ్ ఇప్పుడు ఇబ్బందుల్లో ఉన్నాడు. వరస పరాజయాలతో సతమతమైతున్న పవన్ కు ఇప్పుడు ఒక బ్లాకు బస్టర్ హిట్ కావాలి. ‘అత్తారింటికి దారేది’ తరువాత పవన్ చేసిన ప్రతీ సినిమా డిజాస్టెర్ గానే మిగిలాయి.’సర్దార్‌ గబ్బర్‌సింగ్‌’ సినిమా బాక్సాఫీస్‌ వద్ద భారీ డిజస్టెర్ గా మారిన వెంటనే  ఆ తరువాత వచ్చిన  ‘కాటమరాయుడు’ సైతం అసలు చప్పుడు లేకుండా నిర్మాతలతో పాటు బయ్యర్స్ ను సైతం పూర్తిగా ముంచేసి వెళ్లిపోయింది. అయితే ఎలా అయినా ఇప్పుడు హిట్ కొట్టాలి అన్న కసితో ఉన్నాడు పవన్. వచ్చే ఏడాది ఎన్నికల హడావిడిలో పవన్ మునిపోతూ ఉండడంతో  ఇప్పుడు అభిమానుల ఆశలన్నీ పవన్‌ త్రివిక్రమ్‌ ల కాంబినేషన్‌లో తెరకెక్కుతున్న సినిమాపైనే ఉన్నాయి. అయితే వరుసగా రెండు హిట్స్ ఇచ్చిన త్రివిక్రమ్ మూడో హిట్ ఇచ్చి, ఎలా అయినా హ్యాట్రిక్ ఇస్తాడు అని అభిమానులు అందరూ ఆలోచనలో ఉన్నారు.

ఇదిలా ఉంటే ఈసినిమాకు సంబంధించి బయటకు వస్తున్న లీకులు పవన్ వీరభిమానులను కలవర పెడుతున్నట్లు వార్తలు బలంగా వినిపిస్తున్నాయి. విషయంలోకి వెళితే, ఈ సినిమా విషయంలో పవన్ తన స్టైల్ చూపిస్తున్నాడట, వేళ్ళు పెడుతున్నడట. ఈ మూవీలో పవన్ తనకు బాగా అలవాటైన మార్షల్‌ ఆర్ట్స్‌ని  మరోసారి ప్రదర్శించబోతున్నాడట. అంతేకాదు పవన్ ఈసినిమాకు సంబంధించిన పాటల డాన్సుల్లో కూడ  పవన్‌ వేలుపెడుతున్నాడు అనే  గాసిప్పులు హడావిడి చేస్తున్నాయి. మొత్తంగా చూసుకుంటే పవన్ కరియర్ లో భారీ డిజస్టెర్స్ గా మారిన గత రెండు సినిమాల్లో పవన్ ప్రమేయం ఉండడంతో సినిమాలు అలా షెడ్ కు పోయాయి. ఇప్పుడు త్రివిక్రమ్ సినిమాలో కూడా పవన్ తన టాలెంట్ చూపిస్తే ఇక ఫ్యాన్స్ కి అస్సామే గతి. చూద్దాం మరి ఏమవుతుందో.

Also, do SUBSCRIBE to our YouTube channel to get latest Tollywood updates.