అలవైకుంఠపురములో కోసం ప్రమోషనల్ సాంగ్ ప్లానింగ్!

బాలీవుడ్ లో ఈ ప్రమోషనల్ సాంగ్స్ అనేవి చాలా కామన్. ప్రతి సినిమాకి ఒక ప్రమోషనల్ సాంగ్ ను తప్పకుండా షూట్ చేస్తారు. ఎండ్ క్రెడిట్స్ దగ్గర లేదా యూట్యూబ్ లోనో సాంగ్ ను ప్రమోట్ చేస్తారు. టాలీవుడ్ లో ఆ విధానం ఇంకా పూర్తిస్థాయిలో అమలు కాలేదు. ఉన్న పాటలే ఒక్కోసారి సినిమా నుంచి తీసేస్తున్నారు.. ఇంక ప్రమోషనల్ సాంగ్స్ ఎందుకు అనుకొంటారు మనోళ్ళు. కానీ.. “జులాయి” సినిమా కోసం ప్రత్యేకంగా ఒక ప్రమోషనల్ సాంగ్ ను షూట్ చేయించాడు త్రివిక్రమ్. దేవిశ్రీప్రసాద్-అల్లు అర్జున్ ఇద్దరూ కలిసి చేసిన ఆ ప్రమోషనల్ సాంగ్ భలే ఉంటుంది.. బాగా పాపులర్ కూడా అయ్యింది.

ఇప్పుడు “అల వైకుంఠపురములో” చిత్రానికి కూడా అదే సెంటిమెంట్ ను ఫాలో అవ్వాలి అనుకొంటున్నాడు త్రివిక్రమ్. ఈమేరకు సంగీత దర్శకుడు తమన్ తో కలిసి అల్లు అర్జున్ ఒక ప్రమోషనల్ సాంగ్ ను షూట్ చేయనున్నాడు. సినిమా మీద ఇప్పటికే మంచి అంచనాలున్నాయి. ఈ ప్రమోషనల్ సాంగ్ వల్ల ఆ బజ్ ఇంకాస్త పెరగడమే కాక చాలా ఏరియాల్లో ప్రమోషన్స్ కి ప్లస్ అవుతుంది. ఈ ప్రమోషనల్ సాంగ్ ను డిసెంబర్ లో విడుదల చేయనున్నారు.

గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
బందోబస్త్ సినిమా రివ్యూ కోసం ఇక్కడ క్లిక్ చెయ్యండి