పవన్ సినిమా విషయంలో త్రివిక్రమ్ ప్లాన్ మామూలుగా లేదుగా ..!

సినిమా అంటే వినోదం ఒక్కటే కాదు.. వ్యాపారం కూడా. ఆ టెక్నీక్ తెలియకపోతే కళాపోషకుడిగానే మిగిలిగిపోతారు తప్ప.. కష్టానికి తగ్గ ప్రతిఫలం రాదు. ఈ విషయం తెలుసుకాబట్టే చిరంజీవి రీ ఎంట్రీ మూవీకి 150 సినిమా అంటూ హడావుడి చేశారు. అసలు అది హీరోగా చేసిన మూవీల సంఖ్య, నటించిన సినిమాల సంఖ్య అనే విషయం పై క్లారిటీలేదు. హీరోగా నటించిన సినిమాలు అయితే ఖైదీ నంబర్‌ 150’ చిత్రం 149 వ సినిమా అవుతుంది. నటించిన సినిమాల సంఖ్య అయితే151వ సినిమా అవుతుంది. ఆ విషయాన్ని విమర్శకులకే వదిలేసి తండ్రి కొడుకులు 150 నంబర్ తో మ్యాజిక్ చేసి హిట్ అందుకున్నారు. ఇప్పుడు పవన్ కళ్యాణ్ సినిమాకి కూడా త్రివిక్రమ్ ఈ నంబర్ మ్యాజిక్ ప్లాన్ వేస్తున్నారు.

ఇంతవరకు పవన్‌ హీరోగా నటించిన సినిమాలు 22.  దీని ప్రకారం చూస్తే పవన్‌, త్రివిక్రమ్‌ లది 23వ చిత్రం అవ్వాలి. అయితే ఈ సినిమాకి నంబర్ కలర్‌ ఇస్తే బాగుంటుందనే ఉద్దేశంతో పవన్‌ చేసిన గెస్ట్‌ అప్పీయరెన్సులని కూడా కలుపుకొని త్రివిక్రమ్ తమ కాంబినేషన్ లో వస్తున్న మూవీకి పవన్ 25వ సినిమా అని ప్రచారం మొదలెట్టనున్నట్లు సమాచారం. ఈ మూవీకి పీకే 25 హ్యాష్ ట్యాగ్ ని  ఫిక్స్ చేయడానికి త్రివిక్రమ్ డిసైడ్ అయిపోయినట్లుగా తెలిసింది. పవన్, త్రివిక్రమ్ క్రేజీ కాంబినేషన్ కి, ఈ నంబర్ మ్యాజిక్ కలిస్తే తప్పకుండా భారీ బిజినెస్ జరగడం ఖాయమని ట్రేడ్ వర్గాల వారు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.