అల్లు అర్జున్ తోనే సినిమా చేయనున్న త్రివిక్రమ్

త్రివిక్రమ్ దర్శకత్వ ప్రతిభకి మచ్చ తెచ్చిన సినిమా అజ్ఞాతవాసి. అలాగే పెన్ కి పవర్ తగ్గిపోయిందని విమర్శలను తెచ్చిపెట్టిన మూవీ కూడా ఇదే. గురూజీ అని పిలిచే వాళ్లే… అనుమానించేలా చేసిన చిత్రం. అందుకే కసితో ఎన్టీఆర్ తో “అరవింద సమేత” సినిమా చేశారు, తనకి కలిసి వచ్చే “అ” అక్షరంతోనే టైటిల్ పెట్టి.. సినిమా తీసి అదరగొట్టారు. తాను టచ్ చేయని ఫ్యాక్షన్ కథని అద్భుతంగా డీల్ చేసి విమర్శకుల నోరు మూయించారు. దీంతో అతని నెక్స్ట్ హీరో ఎవరు? అనే ప్రశ్న ఇప్పుడు ఫిలిం నగర్ లో హాట్ టాపిక్ అయింది. ఇండస్ట్రీ వర్గాల సమాచారం మేరకు అల్లు అర్జున్ తోనే సినిమా చేయనున్నట్టు తెలిసింది. ఎన్టీఆర్ తో సినిమా చేస్తున్న సమయంలో బన్నీకి ఓ కథ వినిపించారంట.

కథ నచ్చినప్పటికీ అరవింద ఫలితం తర్వాత మాట్లాడుకుందామని అల్లు అర్జున్ చెప్పినట్టు టాక్. ఈ మూవీ బ్లక్ బస్టర్ హిట్ సాధించడంతో త్రివిక్రమ్ దర్శకత్వంలో నటించడానికి బన్నీ గ్రీన్ సిగ్నల్ ఇచ్చినట్లు సమాచారం. ఇది వరకు వీరిద్దరి కలయికలో జులాయి, సన్నాఫ్ సత్యమూర్తి సినిమాలు వచ్చాయి. ఇవి సూపర్ హిట్ అయ్యాయి. ఇప్పుడు హ్యాట్రిక్ హిట్ అందుకోవడానికి సిద్ధమవుతున్నారు. అయితే ఈ చిత్రాన్ని హారిక హాసిని బ్యానర్లో రాధా కృష్ణ నిర్మిస్తారా? గీతా ఆర్ట్స్ బ్యానర్లో అల్లు అరవింద్ నిర్మిస్తారా? అనేది సస్పెన్స్ లో ఉంది. ఆ విషయంలో క్లారిటీ రాగానే అధికారికంగా ప్రకటించనున్నారు.