ఇంతకీ ఆ సినిమాలో సమంత ఉన్నట్టా, లేనట్టా?

త్రివిక్రమ్ దర్శకుడిగా ఇప్పటివరకు ఎనిమిది సినిమాలు చేయగా అందులో ముగ్గురు హీరోలతో రెండేసి చొప్పున ఆరు సినిమాలు చేశారు. ఆ ముగ్గురే మహేశ్, పవన్ కళ్యాణ్, అల్లు అర్జున్. ఒకరి తర్వాత ఒకరితో సినిమాలు చేసేసరికి త్రివిక్రమ్ కథలు మారిన హీరోలు మారే ప్రసక్తి లేదు అన్న నమ్మకానికి వచ్చేశారు కొందరు. అయితే ‘అఆ’ సినిమాలో నితిన్ చూశాక ఈ విషయం మానిపోయి ఆ స్థానంలో మరోటి వచ్చి చేరింది. అదే హీరోయిన్. మాటల మాంత్రికుడు వరుసగా రూపొందించిన మూడు సినిమాల్లోను నటించింది సమంత రుత్ ప్రభు. ఇప్పుడు పవన్-త్రివిక్రమ్ కాంబినేషన్ లో రానున్న సినిమాలోనూ తానే హీరోయిన్ అని ప్రచారం జరిగింది.

అయితే ఈ సినిమాలో ఇద్దరు హీరోయిన్లకు అవకాశం ఉందన్న చిత్ర బృందం అందులో ఒక పాత్రకు కీర్తి సురేష్ ని ఎంపిక చేశారు. మరి సమంత మేటర్ ఎందుకు బయటపెట్టనట్టు..? పోనీ సమంత ఈ సినిమాలో లేదు అనుకుందామంటే.. ఆ మధ్య ‘రెమో’ తెలుగు ఆడియో ఫంక్షన్ లో “తను త్రివిక్రమ్ తో చేస్తున్న సినిమాకి అనిరుద్ సంగీతం అందిస్తున్నాడ”ని చెప్పుకొచ్చింది. పైగా ‘అఆ’ సినిమాకి హ్యాండ్ ఇచ్చినట్టు ఈసారి చేస్తే కిడ్నాప్ చేసి మరీ తీసుకొస్తానని బెదిరించింది కూడా. ఆ లెక్కన ఈ సినిమాలో హీరోయిన్ గా సమంతదే తొలిపీఠం అని అవగతమవుతోంది. ‘అత్తారింటికి దారేది’ సినిమాతో పవన్-సమంత జంటకు మంచి మార్కులే పడ్డాయి. అలాంటపుడు సమంత ఈ సినిమాలో ఉన్నట్టా, లేనట్టా అని తికమక పెట్టుట ఏల త్రివిక్రమా..?

Also, do SUBSCRIBE to our YouTube channel to get latest Tollywood updates.