మాటల మాంత్రికుడు త్రివిక్రమ్ శ్రీనివాస్ స్టార్ హీరోల సినిమాలకు దర్శకత్వం వహిస్తూనే, చిన్న చిత్రాలను నిర్మించడానికి ఫిక్స్ అయ్యారు. రచయితగా, డైరక్టర్ గా రాణించిన త్రివిక్రమ్ నిర్మాతగా కూడా సత్తా చాటాలని భావిస్తున్నారు. తమ ప్రొడక్షన్ లో మహిళా డైరక్టర్ నందిని రెడ్డి కి తొలి సినిమా అవకాశమిచ్చిన త్రివిక్రమ్, మరో సినిమాను పట్టాలెక్కించడానికి సిద్ధమవుతున్నారు. ప్రముఖ హాస్యనటుడు బ్రహ్మానందం కోసం ఒక మంచి కథను మాటల మాంత్రికుడు రాసాడని , అతన్ని హీరోగా పెట్టి ఈ చిత్రాన్ని నిర్మించనున్నట్లు తెలిసింది.
తన దగ్గర అసిస్టెంట్ డైరక్టర్ గా పని చేసిన యువకుడిని దీని ద్వారా డైరక్టర్ గా పరిచయం చేయనున్నట్లు ఫిల్మ్ నగర్ వాసులు చెప్పుకుంటున్నారు. త్రివిక్రమ్ తన సినిమాలో బ్రహ్మి కోసం మంచి పాత్రలను సృష్టించి కడుపుబ్బా నవ్వించారు. మరి అతనితో ఫుల్ లెన్త్ మూవీ అంటే థియేటర్లో రెండు గంటల పాటు నవ్వులు కురుస్తాయనడంలో ఎటువంటి సందేహం అవసరం లేదు. ఈ మూవీ గురించి పూర్తి వివరాలు త్వరలో అధికారికంగా ప్రకటించనున్నారు.
