ఎన్టీఆర్ కోసం క్రేజీ కాంబినేషన్ సెట్ చేసిన త్రివిక్రమ్?

August 17, 2020 / 02:50 PM ISTByFilmy Focus

Join Us

ఎన్టీఆర్ కోసం క్రేజీ కాంబినేషన్ సెట్ చేసిన త్రివిక్రమ్?

ఆర్ ఆర్ ఆర్ మూవీ చిత్రీకరణలో ఉండగానే ఎన్టీఆర్ దర్శకుడు త్రివిక్రమ్ తో తన నెక్స్ట్ ప్రాజెక్ట్ ప్రకటించారు. ఎన్టీఆర్ 30వ చిత్రంగా తెరకెక్కనున్న ఈ మూవీ ఏప్రిల్ నుండే సెట్స్ పైకి వెళ్లాల్సి ఉంది. ఐతే లాక్ డౌన్ కారణంగా అది కుదరలేదు. ఆర్ ఆర్ ఆర్ తో పాటు త్రివిక్రమ్ మూవీ కూడా పూర్తి చేసి 2021 సమ్మర్ లో విడుదల చేయాలని ఎన్టీఆర్ ప్లాన్ చేశాడు. కాగా ఈ మూవీ ప్రకటించిన నాటినుండి అనేక పుకార్లు చక్కర్లు కొడుతున్నాయి.

అందులో ఎన్టీఆర్ రెండు భిన్న గెటప్స్ లో కనిపిస్తారని, ఒక పాత్రలో పొలిటీషియన్ గా మరొక పాత్రలో యంగ్ బిజినెస్ మెన్ గా కనిపిస్తారని ప్రచారం జరుగుతుంది. ఇక ఈ చిత్ర టైటిల్ కూడా ‘ అయిననూ పోయిరావలే హస్థినకు’ నిర్ణయించారని టాలీవుడ్ లో గట్టిగా వినిపిస్తుంది. తాజాగా మరో క్రేజీ న్యూస్ బయటికి వచ్చింది. ఈ మూవీలో ఓ కీలక పాత్ర కోసం మలయాళ సూపర్ స్టార్ మోహన్ లాల్ ని తీసుకోనున్నారట. కథలో కీలమైన ఓ రాజకీయ నాయకుడు పాత్ర కోసం మోహన్ లాల్ ని తీసుకోనున్నారట.

దీని గురించి త్రివిక్రమ్ మోహన్ లాల్ తో సంప్రదింపులు కూడా జరిపారట. మరి ఇదే కనుక నిజం అయితే మూవీకి మరింత హైప్ వచ్చి చేరుతుంది. గతంలో ఎన్టీఆర్, మోహన్ లాల్ దర్శకుడు కొరటాల శివ తెరకెక్కించిన జనతా గ్యారేజ్ మూవీలో కలిసి నటించారు. వీరిద్దరి కాంబినేషన్ తెరపై అద్భుతం చేసింది. ఆ మూవీ మంచి విజయాన్ని నమోదు చేసిన తరుణంలో త్రివిక్రమ్ తన మూవీలో ఓ పాత్ర కోసం మోహన్ లాల్ ని దించనున్నాడట.