గృహప్రవేశానికి ముహూర్తం ఫిక్స్ చేసిన త్రివిక్రమ్!

మాటల మాంత్రికుడు త్రివిక్రమ్ శ్రీనివాస్ వరుస విజయాలతో దూసుకు పోతున్నారు. జులాయి, అత్తారింటికి దారేది, సన్నాఫ్ సత్యమూర్తి సినిమాల్తో హ్యాట్రిక్ అందుకున్న డైరక్టర్ “అ.. ఆ” తో మరో బ్లాక్ బస్టర్ హిట్ సొంతం చేసుకున్నారు. అయితే ఫామ్లో ఉన్న త్రివిక్రమ్ గత పదినెలలుగా కొత్త సినిమాను పట్టాలెక్కించలేదు. పవన్ కళ్యాణ్ తో మూవీ చేయడానికి పూజా కార్యక్రమాలు పూర్తి చేశారు. ఈ మూవీ వచ్చే నెలల్లో రెగ్యులర్ షూటింగ్ కి వెళ్లనుంది. అయితే ఓ స్టార్ డైరక్టర్ పది నెలలుగా ఏమి చేస్తున్నారని ఆరా తీయగా అసలు విషయం బయట పడింది.  ఇంతకముందు.. ఇప్పటి వరకు పార్క్ హయత్ లోను, అద్దె అపార్ట్ మెంట్ లో ఉంటూ వచ్చారు.

గతేడాది ఫిల్మ్ నగర్ లో ఓ ఇంటి స్థలం కొనుగోలు చేశారు. అ.. ఆ మూవీ తర్వాత సినిమాలను పక్కన పెట్టి దగ్గర ఉండి తన అభిరుచి మేరకు వాస్తుప్రకారం అందమైన ఇంటిని నిర్మించుకున్నారు. ఇందులో ఇటాలియన్ ఫర్నిచర్ స్పెషల్ అట్రాక్షన్ గా నిలుస్తున్నాయని ఇంటిని చూసిన వారు చెబుతున్నారు. తుది మెరుగులు దిద్దుకుంటున్న ఈ ఇంటిలోకి ఏప్రిల్ 29న త్రివిక్రమ్ ఫ్యామిలీ అడుగుపెట్టనున్నట్లు సమాచారం. ఈ వేడుకకు సిరివెన్నెల సీతారామశాస్త్రి, పవన్ కళ్యాణ్, బంధువులు హాజరుకానున్నట్లు తెలిసింది.

Also, do SUBSCRIBE to our YouTube channel to get latest Tollywood updates.