పవన్‌ – రానా సినిమా కోసం భారీ సెట్‌

పవన్‌ కల్యాణ్‌ సినిమా అంటేనే… భారీ సినిమా అని ఫిక్స్‌ అయిపోవచ్చు. కథ, కథనం, నేపథ్యం అనేవి పక్కన పెడితే ఆయన ఉంటేనే భారీ సినిమా. అలాంటిది పవన్‌ సినిమాలో రానా లాంటి మరో హీరో ఉంటే ఇంకెంత భారీగా ఉంటుంది చెప్పండి. ‘అయ్యప్పనుమ్‌ కొషియమ్‌’ రీమేక్‌ గురించే ఇదంతా. ఇటీవల ఈ సినిమా షూటింగ్‌ మొదలైంది. తొలుత పవన్‌ షూటింగ్‌కి వస్తే, ఆ తర్వాత రానా కూడా వచ్చేశాడు. సుధ లాడ్జి దగ్గర కొన్ని సీన్స్‌ చిత్రీకరిస్తున్నట్లు పవన్‌ ఎంట్రీ వీడియోలో చెప్పేశారు.

మాతృకలో లాడ్జి దగ్గర ఇద్దర ఇద్దరు హీరోల మధ్య చాలా సీన్స్‌ ఉంటాయి. అవి అదిరిపోయే రేంజిలో ఉంటాయనేది మలయాళ సినిమా చూసినవాళ్లు చెబుతారు. యాక్షన్‌ సీన్స్‌, ఎమోషనల్‌ సీన్స్‌ లాంటివి ప్రస్తుతం చిత్రీకరిస్తున్నారు. దీని తర్వాత సినిమా చిత్రీకరణ పోలీస్‌ స్టేషన్‌లో ఉంటుందట. దీని కోసం చిత్రబృందం ఇప్పటికే ఓ పోలీస్‌ స్టేషన్‌ను రూపొందిస్తున్నారట. దీని కోసం రూ. రెండు కోట్ల వరకు ఖర్చు పెట్టారని తెలుస్తోంది. ఈ సెట్‌లోనూ కీలక సన్నివేశాలు తెరకెక్కిస్తారట.

సినిమా పోలీసు స్టేషన్‌ సీన్స్‌తో మొదలవుతుంది. ఎన్నో మలుపులు తిరిగేది కూడా అక్కడే. అందుకే ఈ సెట్‌ కోసం అంత ఖర్చు పెడుతున్నారని తెలుస్తోంది. దీంతోపాటు సినిమా కోసం మరికొన్ని సెట్స్‌ రూపొందించబోతున్నారట. మాతృకలో బిజు మేనన్‌ ఇల్లు… కొండపై వైవిధ్యంగా ఉంటుంది. అలా పవన్‌ సినిమా కోసం కూడా ఓ ఇల్లు సెట్‌ వేస్తున్నారట. దీంతోపాటు మార్కెట్‌ సెట్‌ కూడా వేయబోతున్నారట. సినిమాలోని యాక్షన్‌ సీన్స్‌ చాలా వరకు అక్కడే ఉండబోతున్నాయి.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!