సినిమా అంతా బాగుంటుంది… కానీ అందులో పైసా వసూల్‌ మూమెంట్స్‌ కొన్ని ఉంటాయి. ఎంత బ్లాక్‌బస్టర్‌ హిట్‌ అయినా… అందులో జీడిపప్పులు కూడా కొన్ని సీన్లు ఉంటాయి. అవి ఆ సినిమాకు డబుల్‌ రుచిని అందిస్తాయి. అలాగే ‘ఆర్ఆర్ఆర్’కి కూడా అలా కొన్ని జీడిపప్పులు ఉన్నాయట. ఈ విషయం మనం అనుకోవడం కాదు, ఆ మధ్య ఓసారి రాజమౌళి, రామ్చరణ్, రామారావే చెప్పారు. ఇంకా ఈజీగా చెప్పుకోవాలంటే వాటిని పైసా వసూల్‌ మూమెంట్స్‌ అనొచ్చు. ‘ఆర్ఆర్ఆర్’ రిలీజ్‌ అవుతున్న సందర్భంగా అవేంటో చూసేద్దాం.
రాజమౌళి సినిమా అంటే ఫస్ట్‌ సీన్‌ నుండి లాస్ట్‌ సీన్‌ వరకు అన్నీ సూపర్‌ ఉంటాయి. సూపర్‌ ఉండాలని ఆయన కోరుకుంటారు, ఫ్యాన్స్‌ కూడా అదే మాట అంటారు. ఇప్పుడు ‘ఆర్ఆర్ఆర్’లో కూడా అదే జరుగుతోంది, ఫ్యాన్స్‌ కూడా అదే ఆశిస్తున్నారు. అయితే అన్ని సినిమాల్లా ఇందులో డ్యూయెట్స్‌ లేవు, రొమాంటిక్‌ సీన్స్‌ కూడా లేవు అని చెబుతున్నారు. యాక్షన్‌ డ్రామా, ఎమోషనల్ సీన్స్‌ మాత్రమే ఇందులో కనిపిస్తాయట. అంతే కాదు ఆ జీడి పప్పులు కూడా ఆ సీన్సేనట.
రాజమౌళి మాటల ప్రకారం చూస్తే… ఈ సినిమాకు ఎమోషన్‌ చాలా కీలకమట. సినిమా ప్రారంభమైన 20 నిమిషాల తర్వాత మొత్తంగా అందరూ రామ్ – భీమ్‌ లోకంలోకి వచ్చేస్తారని చెప్పారు. రామ్చరణ్ – ఎన్టీఆర్ ఇంట్రడక్షన్ తో పాటు రెండు కీలక ఫైట్స్ సినిమాకి హైలెట్ అవుతాయని అంటున్నారు. ఇంటర్వెల్ ముందు వచ్చే ఫైట్ సినిమా మొత్తానికే ఆకర్షణగా నిలుస్తుందట. రాజమౌళి గత చిత్రాలు ‘ఛత్రపతి’, ‘మగధీర’, ‘బాహుబలి’ సినిమాల్లో ఇంటర్వెల్ బ్యాంగ్ ప్రత్యేకంగా నిలిచాయి.
ఈ సినిమాలో కూడా ఇంటర్వెల్ బ్యాంగ్ రోమాలు నిక్కబొడుచుకునేలా చేస్తుందట. సినిమా క్లైమాక్స్… విషయంలోనూ ఇలాంటి చర్చలే వినిపిస్తున్నాయి. సుమారు 20 నిముషాలు సాగే క్లైమాక్స్ అయితే… రామ్చరణ్, తారక్‌ ఫ్యాన్స్‌కు డబుల్‌ ట్రీట్‌ అని చెబుతున్నారు. మరి ఇప్పుడు ‘ఆర్ఆర్ఆర్’ టీమ్‌ అనుకుంటున్న విషయాలు రేపొద్దున తెరపై ఎలా పండుతాయి అనేది చూడాలి.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
