ఇప్పుడు అల్లు అర్జున్ మీద పడ్డాడు ఫేక్ రివ్యూయర్ బాదేంటి..!

సినిమా రిలీజ్ అవ్వడానికి రెండు, మూడు రోజుల ముందే ఆ సినిమాని చూసేసాను అంటూ ట్వీట్ వేసి రివ్యూ కూడా చెప్పే ఉమైర్ సంధు గురించి అందరికీ తెలిసే ఉంటుంది. ఓవర్సీస్ లో సెన్సార్ సభ్యుడను అంటూ చెప్పుకుని తిరిగే ఇతను.. అక్కడ సెన్సార్ కోసం వేసిన షో చూసేసాను అని.. ‘సినిమా అలా ఉంది ఇలా ఉంది.. హీరో అలా చేశాడు ఇలా చేశాడు అని… రేటింగ్ కూడా ఇస్తాడు’ కానీ ఫైనల్ గా సినిమా అయితే అతను చెప్పినంత రేంజ్లో ఉండదు.

ప్రతి సినిమాకి ఇలా డబ్బా కొడుతూ రివ్యూలు ఇచ్చేవాడు, కానీ తర్వాత ఇతని రివ్యూలను జనాలు పట్టించుకోవడం మానేస్తే.. అప్పుడు నెగిటివ్ గా రివ్యూలు ఇవ్వడం మొదలుపెట్టాడు. మొన్నామధ్య ఇతను ‘పొన్నియన్ సెల్వన్-1’ చిత్రానికి రిలీజ్ కు ముందు రివ్యూ పెడితే… మణిరత్నం సతీమణి సుహాసిని ‘ఎవరు మీరు.. రిలీజ్ కు ముందు సినిమా చూడడానికి మీకు ఉన్న రైట్స్ ఏంటి? అసలు ఎలా చూశారు సినిమాని’ అంటూ కామెంట్ పెడితే.. ఉమైర్ సంధుని ఓ రేంజ్లో ఆదుకున్నారు నెటిజన్లు.

అయితే ఇప్పుడు ఇతను రూటు మార్చి.. టాలీవుడ్ హీరోల పై నెగిటివ్ కామెంట్లు చేయడం మొదలుపెట్టాడు. మొన్నటికి మొన్న ‘రవితేజ వల్ల ఆయన సినిమాల్లో నటించే హీరోయిన్లు చాలా ఇబ్బందులు పడుతున్నారు. హీరోయిన్లతో అతను అసభ్యకరంగా ప్రవర్తిస్తాడు, అనవసరంగా టచ్ చేస్తాడు. దీంతో ఆయన సినిమాల్లో నటించడానికి హీరోయిన్లు ఇంట్రెస్ట్ చూపించడం లేదు’ అంటూ కామెంట్లు చేశాడు.

ఆ తర్వాత ఏకంగా పవన్ కళ్యాణ్ విమెనైజర్ అంటూ సంచలన కామెంట్లు చేశాడు. అటు తర్వాత నాగ చైతన్య… సమంతని టార్చర్ చేశాడని అందుకే ఆమె విడాకులు ఇచ్చేసిందని, ఇప్పుడైతే ‘పుష్ప2′ నుండి రష్మిక తప్పుకుందని.. అల్లు అర్జున్ ప్రవర్తన ఆమెకు నచ్చకపోవడం వల్ల అలా జరిగిందని’ కామెంట్లు చేశాడు. దీంతో ‘టాలీవుడ్ హీరోల పై ఏడుస్తావేంట్రా’ అంటూ నెటిజన్లు కామెంట్లు పెడుతున్నారు.

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్