Balakrishna: అన్ స్టాపబుల్2 కు ఎన్టీఆర్, ప్రభాస్ వస్తారా?

ఆహా ఓటీటీలో ప్రసారమైన అన్ స్టాపబుల్ సీజన్1 అంచనాలను మించి సక్సెస్ సాధించిన సంగతి తెలిసిందే. అన్ స్టాపబుల్ సీజన్2 కోసం ప్రేక్షకులు ఆసక్తిగా ఎదురుచూస్తుండగా ఈ సీజన్ గెస్టులకు సంబంధించి ఆసక్తికర వార్తలు ప్రచారంలోకి వస్తున్నాయి. ఈ సీజన్ కు హాజరయ్యే అతిథుల జాబితాలో చాలామంది సెలబ్రిటీలు ఉండటం గమనార్హం. ఈ జాబితాలో చిరంజీవి, వెంకటేష్, ప్రభాస్, జూనియర్ ఎన్టీఆర్, మరి కొందరు ఉన్నారు. నిజంగా ఈ సెలబ్రిటీలు అన్ స్టాపబుల్2 కు హాజరైతే మాత్రం సీజన్2 సక్సెస్ అవుతుందనడంలో సందేహం అవసరం లేదు.

బాలయ్య ఈ షో కోసం భారీగానే రెమ్యునరేషన్ ను తీసుకుంటున్నారని సమాచారం అందుతోంది. ఆహా ఓటీటీకి ఈ షో వల్ల సబ్ స్క్రైబర్ల సంఖ్య పెరగడంతో మరింత గ్రాండ్ గా అన్ స్టాపబుల్ సీజన్2 ఉండబోతుందని తెలుస్తోంది. సీజన్1 కు హాజరు కాని ప్రముఖ సెలబ్రిటీలు సీజన్2 కు హాజరు కానున్నారు. ఆయా సెలబ్రిటీలతో తనకు ఉన్న అనుబంధాన్ని పంచుకోవడం ద్వారా బాలకృష్ణ ఈ షో గ్రాండ్ సక్సెస్ అయ్యేలా జాగ్రత్త పడుతున్నారు.

అయితే అన్ స్టాపబుల్ సీజన్2 ఎప్పటినుంచి మొదలవుతుందనే ప్రశ్నకు సమాధానం దొరకాలంటే మాత్రం మరికొన్ని రోజులు ఆగాల్సిందే. అన్ స్టాపబుల్ సీజన్2 సక్సెస్ కావడానికి మరో ముఖ్యమైన కారణం కూడా ఉంది. సెలబ్రిటీలు గతంలో ఏ షోలో వెల్లడించని విషయాలను ఈ షో ద్వారా వెల్లడిస్తున్నారు. బాలయ్య ఈ షోకు హోస్ట్ గా సూట్ కారని కామెంట్లు చేసిన వాళ్లే ఈ షోకు బాలయ్య హైలెట్ గా నిలిచారని చెబుతున్నారు.

టాలీవుడ్ స్టార్ ప్రొడ్యూసర్స్ లో ఒకరైన అల్లు అరవింద్ ఆహా ఓటీటీ సక్సెస్ కోసం నిరంతరం తీవ్రస్థాయిలో శ్రమిస్తున్నారు. బాలయ్య ఒకవైపు సినిమాలలో నటిస్తూనే మరోవైపు అన్ స్టాపబుల్ సీజన్2 కోసం డేట్స్ కేటాయిస్తారని సమాచారం అందుతుండటం గమనార్హం. ప్రభాస్, తారక్ ఈ షోకు నిజంగా వస్తారో రారో చూడాల్సి ఉంది.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!