బాలయ్య హోస్ట్ గా ఆహా ఓటీటీలో ప్రసారమైన అన్ స్టాపబుల్ సీజన్1, అన్ స్టాపబుల్ సీజన్2 ఏ స్థాయిలో హిట్ అయ్యాయో ప్రత్యేకంగా చెప్పాల్సిన అవసరం లేదు. అన్ స్టాపబుల్3 వారానికి ఒక ఎపిసోడ్ చొప్పున ప్రసారం కాకపోయినా ప్రత్యేక రోజులలో ప్రసారం కానుందని ఇప్పటికే క్లారిటీ వచ్చింది. అయితే బాలయ్య అన్ స్టాపబుల్3 షోకు అతిథులు ఎవరనే ప్రశ్నకు ఆసక్తికర పేర్లు వినిపిస్తున్నాయి. టాలీవుడ్ ఇండస్ట్రీకి చెందిన చాలామంది సినీ ప్రముఖులు, పలువురు రాజకీయ ప్రముఖులు ఈ షోలో పాల్గొని సందడి చేయనున్నారని సమాచారం.
చిరంజీవి, చరణ్, నాగార్జున, జూనియర్ ఎన్టీఆర్, కేటీఆర్ తో పాటు యంగ్ జనరేషన్ హీరోల పేర్లు ఈ జాబితాలో వినిపిస్తున్నాయి. అయితే మారుతున్న పరిస్థితుల నేపథ్యంలో బాలయ్య అన్ స్టాపబుల్ షోకు (Unstoppable with NBK) తారక్ రావడం సాధ్యమేనా అని సోషల్ మీడియా వేదికగా కామెంట్లు వ్యక్తమవుతున్నాయి. వేర్వేరు కారణాల వల్ల తారక్ ఈ మధ్య కాలంలో మీడియా ముందు కూడా పెద్దగా కనిపించడం లేదు. దేవర మూవీ షూటింగ్ మినహా ఇతర విషయాలకు పెద్దగా ప్రాధాన్యత ఇవ్వడం లేదు.
నందమూరి కుటుంబ సభ్యులతో కూడా తారక్ కు గ్యాప్ ఉందని సమాచారం అందుతోంది. యంగ్ టైగర్ ఎన్టీఆర్ సినిమాలకు, కుటుంబానికి మాత్రమే ప్రాధాన్యత ఇస్తున్నారని ఇండస్ట్రీ వర్గాల్లో టాక్ వినిపిస్తోంది. ఇతర భాషల్లో సైతం ఊహించని స్థాయిలో ఫ్యాన్ ఫాలోయింగ్ ను కలిగి ఉన్న జూనియర్ ఎన్టీఆర్ భవిష్యత్తులో బాక్సాఫీస్ ను ఊహించని స్థాయిలో రూల్ చేయాలని భావిస్తున్నారు.
వరుసగా పాన్ ఇండియా సినిమాలతో సత్తా చాటడంతో పాటు ఫ్యాన్స్ ను అంచనాలను మించి మెప్పించాలని తారక్ ఫీలవుతున్నారు. కెరీర్ విషయంలో తారక్ కోరుకున్న విధంగా జరుగుతుందేమో చూడాల్సి ఉంది. యంగ్ టైగర్ జూనియర్ ఎన్టీఆర్ రెమ్యునరేషన్ సైతం ఊహించని రేంజ్ లో ఉంది.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
