ఆ విషయంలో దర్శకుడు క్రిష్ కు బాగా కలిసొచ్చినట్టే….!

‘వకీల్ సాబ్’ చిత్రంలో నటిస్తూనే మరోపక్క క్రిష్ డైరెక్షన్లో ‘విరూపాక్ష’ (వర్కింగ్ టైటిల్) అనే చిత్రాన్ని కూడా మొదలుపెట్టేసాడు పవన్ కళ్యాణ్. ఆ చిత్రానికి ఏ.ఎం.రత్నం నిర్మాత. లాక్ డౌన్ కు ముందు నెల రోజుల పాటు షూటింగ్ కూడా జరిగింది. నిజానికి సమ్మర్ కి ‘వకీల్ సాబ్’ చిత్రం పూర్తయిపోతుంది అనుకున్నారు. కానీ కరోనా వల్ల ప్లానింగ్ మొత్తం చేంజ్ అయ్యింది. డిసెంబర్ వరకూ ‘వకీల్ సాబ్’ షూటింగ్ పూర్తయ్యే అవకాశం లేదు.

దాంతో క్రిష్ మరో చిత్రాన్ని రూపొందిస్తున్నాడు. ఇది జనవరికి పూర్తయ్యే అవకాశం ఉంది. ‘వకీల్ సాబ్’ షూటింగ్ డిసెంబర్ కు పూర్తవుతుంది. అటు తరువాత 40 రోజుల పాటు ‘అయ్యప్పనుమ్ కొషియం’ రీమేక్ లో పాల్గొనబోతున్నాడు. మార్చి లేదా ఏప్రిల్ వరకూ పవన్ ఈ చిత్రం షూటింగ్ లో ఉంటాడు. కాబట్టి క్రిష్ సినిమా ఆలస్యం అయ్యే అవకాశం ఉందట. అయినప్పటికీ ఈ గ్యాప్.. క్రిష్ కు కలిసొచ్చినట్టేనని ఇన్సైడ్ టాక్. ఎందుకంటే ‘విరూపాక్ష’ షూటింగ్ అనుకోకుండా మొదలయ్యింది.

ప్రీ ప్రొడక్షన్ పనులకోసం క్రిష్ కు ఎక్కువ టైం దొరకలేదు. దాంతో అనుకోకుండా దొరికిన ఈ గ్యాప్ ను క్రిష్ ఉపయోగించుకోవాలి అనుకుంటున్నాడట. ఇప్పుడున్న కరోనా నిబంధనలను దృష్టిలో ఉంచుకుని స్క్రిప్ట్ లో పలు కీలక మార్పులు కూడా చెయ్యాలని క్రిష్ భావిస్తున్నట్టు సమాచారం.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?