జూనియర్ ఎన్టీఆర్ తో త్రివిక్రమ్ ఏం చేయబోతున్నాడు..?

మాటల మాంత్రికుడు త్రివిక్రమ్ శ్రీనివాస్ అలవైకుంఠపురములో సినిమా తర్వాత మరో ప్రాజెక్ట్ స్టార్ట్ చేయలేదు. జూనియర్ ఎన్టీఆర్ తో అఫీషియల్ గా సినిమాని ఎనౌన్స్ చేసి ఎన్టీఆర్ డేట్స్ కోసమే వెయిట్ చేస్తున్నాడు. ఎట్టకేలకి ఈ సినిమా పట్టాలెక్కబోతోంది. మార్చి నుంచి రెగ్యులర్ షూటింగ్ స్టార్ట్ కాబోతోందని వార్తలు వినిపిస్తున్నాయి. హాసిని అండ్ హారిక బ్యానర్ పైన ఈ సినిమా సంక్రాంతి కానుకగా ప్రారంభం కాబోతోందట. ఈ పండక్కి వెండితెరపై రాకపోయినా అభిమానులను నిరాశపర్చకూడదనే ఉద్దేశ్యంతో కొత్త సినిమాని ప్రారంభించాలని ఎన్టీఆర్‌ భావించినట్లుగా తెలుస్తోంది.

అందుకే భోగిరోజున త్రివిక్రమ్‌-ఎన్టీఆర్‌ ల సినిమా ప్రారంభం కానుందని చెప్తున్నారు. జనవరి 14న ప్రారంభం కానున్న ఈసినిమా రెగ్యులర్‌ షూటింగ్‌ మార్చి నుంచి మొదలుకానుందట. రష్మికని హీరోయిన్‌ గా తీసుకుంటున్నారని వార్తలు వినిపిస్తున్నా ఇంకా అధికారిక ప్రకటన లేదు. ఈ సినిమాలో ఇద్దరు హీరోయిన్స్ కి స్కోప్ ఉందని చెప్తున్నారు. ఇక సినిమా జూనియర్ ఎన్టీఆర్ ని ఒక రేంజ్ లో ఎలివేట్ చేసేలా ఉంటుందని టాక్ వినిపిస్తోంది. లాస్ట్ టైమ్ అరవింద సమేత వీరరాఘవ సినిమాలో ఎన్టీఆర్ ని సరిగ్గా వాడుకోలేదని ,

త్రివిక్రమ్ మార్క్ పంచ్ లు ఎన్టీఆర్ డైలాగ్స్ లో వినబడలేదని ఫ్యాన్స్ కాస్త నిరాశాచెందారు. అయినా కూడా సినిమా పరంగా మంచి మార్కులే కొట్టేసింది. కానీ, ఈసారి మేటర్ వేరే ఉందట. ఖచ్చితంగా పంచ్ డైలాగ్స్ పేలబోతున్నాయని, యాక్షన్ పీక్స్ లో ఉంటుందని చెప్తున్నారు.ఇక సినిమా టైటిల్ ని , స్టార్ కాస్టింగ్ ని కూడా త్వరలోనే ఎనౌన్స్ చేసే అవకాశాలు కనిపిస్తున్నాయి. అదీ మేటర్.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!