ఇటీవల విడుదలైన ‘గని’ చిత్రంతో చాలా గ్యాప్ తర్వాత తెలుగు ప్రేక్షకుల్ని పలకరించారు ఉపేంద్ర.ఆ మూవీలో హీరో వరుణ్ తేజ్ తండ్రిగా ఆయన కనిపించాడు. గతంలో ఆయన తెలుగులో కూడా పలు సినిమాల్లో నటించిన సంగతి తెలిసిందే. ‘కన్యాదానం’ ‘ఒకే మాట’ ‘సెల్యూట్'(బైలింగ్యువల్) ‘సన్ ఆఫ్ సత్యమూర్తి’ వంటి చిత్రాల్లో నటించారు.హీరోగా ఉపేంద్ర నటించిన కన్నడ బోల్డ్ సినిమాలు ‘ఉపేంద్ర’ ‘రా’ వంటివి ఇక్కడ కూడా విడుదలై సక్సెస్ అయ్యాయి.
ఉపేంద్ర వైవిధ్యమైన అప్పటి యూత్ కు బాగా కనెక్ట్ అయ్యేది. ఇదిలా ఉండగా… అల్లు అర్జున్ తో ‘సన్నాఫ్‌ సత్యామూర్తి’ చిత్రంలో కలిసి నటించిన ఉపేంద్ర.. ఆ చిత్రం షూటింగ్ సంగతుల్ని ఇటీవల ప్రేక్షకులతో పంచుకున్నాడు. ఓ యూట్యూబ్ ఛానల్ కు ఇచ్చిన ఇంటర్వ్యూలో భాగంగా ఉపేంద్ర… బన్నీ గురించి చేసిన కామెంట్స్ ఇప్పుడు హాట్ టాపిక్ అయ్యాయి. ఉపేంద్ర మాట్లాడుతూ… ” ‘సన్నాఫ్‌ సత్యమూర్తి’ షూటింగ్ సెట్‌లో బన్నీ చాలా సరదాగా ఉండేవాడు.
షూటింగ్ టైములో ఎంత యాక్టివ్ గా ఉండేవాడో .. సెట్స్ లో కూడా అంతే యాక్టివ్‌గా ఉండేవాడు. నాకు రోజు అతని ఇంటి నుండీ భోజనం పంపించేవాడు. ఆయన నాకు పంపించిన క్యారేజ్ లో నాకు ఇష్టమైన వంటకాలు అన్నీ ఉండేవి. అవి తెలుసుకుని మరీ నాకు స్పెషల్‌గా పంపేవాడు బన్నీ. ఆ సినిమా షూటింగ్ కంప్లీట్ అయ్యే వరకు బన్నీ నన్ను ఓ గిప్ట్‌లా చూసుకున్నాడు’ అంటూ చెప్పుకొచ్చాడు ఉపేంద్ర. ఇక అల్లు అర్జున్ సినిమాల విషయానికి వస్తే..
‘పుష్ప ది రైజ్’ తో భారీ హిట్ అందుకున్న అల్లు అర్జున్..ప్రస్తుతం ‘పుష్ప2’ కోసం రెడీ అవుతున్నాడు. దర్శకుడు సుకుమార్ కూడా ఈ ప్రాజెక్టుని వీలైనంత త్వరగా కంప్లీట్ చేయాలని చూస్తున్నాడు. సెకండ్ పార్ట్ లో పుష్ప.. తన తండ్రితో ఎలా ఉండేవాడు, ఆయనతో ఉన్న ఎమోషనల్ బాండింగ్ ఏంటి? అలాగే పుష్ప పై షెకావత్ ఎలా పగ తీర్చుకున్నాడు అనే అంశాలను చూపించబోతున్నాడట సుకుమార్.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
