Usha Parinayam: స్టార్ డైరెక్టర్ విజయ్ భాస్కర్ సినిమాకి మంచి రిలీజ్ డేట్ దొరికింది.!

సీనియర్ స్టార్ దర్శకుడు కె.విజయ్ భాస్కర్ (K. Vijaya Bhaskar)  గారి గురించి ప్రత్యేక పరిచయం అవసరం లేదు. ‘స్వయంవరం’ ‘నువ్వు నాకు నచ్చావ్’ (Nuvvu Naaku Nachav) ‘మల్లీశ్వరి’ (Malliswari) ‘మన్మధుడు’ వంటి కల్ట్, క్లాసిక్ సినిమాలు అందించారు. ఆ సినిమాల్లో కామెడీ కావచ్చు, ఎమోషనల్ సీన్స్ కావచ్చు ఇప్పటికీ యూట్యూబ్లో చూసి ఎంజాయ్ చేసే బ్యాచ్ ఎక్కువే ఉంది. ఇదిలా ఉండగా విజయ్ భాస్కర్ రీ ఎంట్రీ ఇచ్చేందుకు రెడీ అయ్యారు. ఆయన తనయుడు శ్రీ కమల్ ను హీరోగా పెట్టి ‘ఉషాపరిణయం’ అనే క్యూట్ లవ్ స్టోరీతో ప్రేక్షకుల ముందుకు రాబోతున్నారు.

ఈ సినిమా టీజర్, పాటలు ఇటీవల రిలీజ్ అయ్యి ప్రేక్షకుల నుండి మంచి రెస్పాన్స్ ని రాబట్టుకున్నాయి. చార్ట్ బస్టర్స్ అనిపించుకున్నాయి. సినిమాపై బజ్ ఏర్పడేలా చేశాయి. ఇదిలా ఉండగా.. ‘ ‘ఉషాపరిణయం’ సినిమా రిలీజ్ ఎప్పుడు?’ అనే ప్రశ్న కూడా ఇప్పుడు చర్చల్లో నిలిచింది. అందుతున్న సమాచారం ప్రకారం.. ఆగస్టు 2న ‘ ‘ఉషాపరిణయం’ సినిమా రిలీజ్ కాబోతున్నట్టు సమాచారం.

ఈ మధ్యనే షూటింగ్ కంప్లీట్ చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులు జరుపుకుంటూ ఉంది. ‘సినిమా బాగా వచ్చింది అని కచ్చితంగా ప్రేక్షకులను అలరిస్తుంది అని చిత్ర బృందం ధీమాగా చెబుతుంది.హీరో, హీరోయిన్..ల మధ్య వచ్చే లవ్ ట్రాక్, కామిడీ, పాటలు వంటివి ప్రేక్షకులను ముఖ్యంగా యూత్ ను అమితంగా ఆకట్టుకుంటాయి’ అంటూ మేకర్స్ ధీమా వ్యక్తం చేస్తున్నారు. ఏదేమైనా ఆగస్టు 2 మంచి డేట్ అనే చెప్పాలి.