Vaishnav Tej: స్పోర్ట్స్ డ్రామాతో వైష్ణవ్ తేజ్!

మెగాస్టార్ చిన్న మేనల్లుడు, సాయిధరమ్ తేజ్ తమ్ముడు అయిన వైష్ణవ్ తేజ్ ‘ఉప్పెన’ సినిమాతో హీరోగా ఎంట్రీ ఇచ్చిన సంగతి తెలిసిందే. మొదటి సినిమాతోనే భారీ విజయాన్ని తన ఖాతాలో వేసుకున్నాడు ఈ హీరో. యాభై కోట్ల క్లబ్ లో చేరి అందరికీ షాకిచ్చాడు. దీంతో వైష్ణవ్ తేజ్ కి వరుస అవకాశాలు వస్తున్నాయి. అగ్ర నిర్మాణ సంస్థలు సైతం ఈ మెగాహీరోతో సినిమాలు చేయాలనుకుంటున్నాయి. ప్రస్తుతం ఈ హీరో క్రిష్ దర్శకత్వంలో ఓ సినిమాను పూర్తి చేశాడు.

ఈ సినిమా వీఎఫ్ఎక్స్ పనులు పూర్తికాగానే ప్రేక్షకుల ముందుకు రానుంది. రీసెంట్ గా వైష్ణవ్ తన మూడో సినిమా గిరీషయ్య దర్శకత్వంలో చేయడానికి నిర్ణయించుకున్నాడు. ఈ సినిమాను బీవీఎస్ఎన్ ప్రసాద్ నిర్మించబోతున్నారు. ఈ సినిమాతో పాటు అన్నపూర్ణ స్టూడియోస్ బ్యానర్ పై సినిమా చేయడానికి గ్రీన్ సిగ్నల్ ఇచ్చాడు. ఈ సినిమాతో పృథ్వీ అనే కొత్త దర్శకుడు పరిచయం కానున్నాడు. ఈ సినిమా ఒక స్పోర్ట్స్ డ్రామా అని తెలుస్తోంది.

హాకీ బ్యాక్ డ్రాప్ లో ఈ సినిమాను తెరకెక్కించనున్నారట. దీనికి సంబంధించిన ప్రీప్రొడక్షన్ వర్క్ జరుగుతోంది. నటీనటులు, టెక్నీషియన్స్ ను ఫైనల్ చేసిన వెంటనే అధికార ప్రకటన చేయాలనుకుంటున్నారు. ఈ సినిమా కోసం వైష్ణవ్ తేజ్ తన లుక్ ను మార్చుకోబోతున్నాడు. ఈ యూత్ ఫుల్ ఎంటర్టైనర్ వచ్చే ఏడాదిలో మొదలయ్యే అవకాశాలున్నాయి.

Most Recommended Video

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!