Vakeel Saab: బుల్లితెరపై వకీల్ సాబ్.. ప్రసారం ఎప్పుడంటే?

July 5, 2021 / 10:38 AM ISTByFilmy Focus

Join Us

Vakeel Saab: బుల్లితెరపై వకీల్ సాబ్.. ప్రసారం ఎప్పుడంటే?

పవర్ స్టార్ పవన్ కళ్యాణ్ రీఎంట్రీ మూవీ వకీల్ సాబ్ కరోనా సెకండ్ వేవ్ వల్ల ఆశించిన స్థాయిలో కలెక్షన్లను సాధించలేదనే సంగతి తెలిసిందే. థియేటర్లలో రిలీజన మూడు వారాలకే అమెజాన్ ప్రైమ్ ఓటీటీలో ఈ మూవీ అందుబాటులోకి వచ్చింది. త్వరలో ఈ సినిమా టీవీలో ప్రసారం కానుంది. వకీల్ సాబ్ శాటిలైట్ హక్కులను జీ తెలుగు కొనుగోలు చేయగా అతి త్వరలో ఈ సినిమాను టెలీకాస్ట్ చేయనున్నట్టు ఛానల్ ట్విట్టర్ ద్వారా వెల్లడించింది.

ఛానల్ నిర్వాహకులు డేట్ గురించి క్లారిటీ ఇవ్వకపోయినప్పటికీ జులై 11వ తేదీ లేదా జులై 18వ తేదీన ఈ సినిమా ప్రసారమయ్యే అవకాశాలు ఉన్నాయని తెలుస్తోంది. ఈ సినిమాలో శృతిహాసన్ హీరోయిన్ గా నటించగా అంజలి, నివేదా థామస్, అనన్య నగళ్ల కీలక పాత్రలు పోషించారు. థమన్ ఈ సినిమాకు సంగీతం అందించగా పాటలు, నేపథ్య సంగీతం సినిమాకు హైలెట్ అయ్యాయి. వకీల్ సాబ్ బుల్లితెరపై ఎన్ని సంచలనాలను సృష్టిస్తుందో చూడాల్సి ఉంది.

ఈ సినిమా భారీ స్థాయిలో టీఆర్పీ రేటింగ్ ను సొంతం చేసుకుంటుందని ఛానల్ నిర్వాహకులు భావిస్తున్నారు. థియేటర్లలో రిలీజైన మూడు నెలల తర్వాత వకీల్ సాబ్ టీవీలో ప్రసారమవుతుండటం గమనార్హం. పింక్ రీమేక్ గా తెరకెక్కిన వకీల్ సాబ్ కథను దర్శకుడు వేణు శ్రీరామ్ తెలుగు నేటివిటీకి అనుగుణంగా మార్పులు చేయగా ఈ సినిమా ఒరిజినల్ వెర్షన్ ను మించి తెలుగులో హిట్ కావడం గమనార్హం.