‘క్రాక్’ ‘నాంది’ చిత్రాలతో తమిళ నటి వరలక్ష్మి కి తెలుగులో కూడా మంచి పేరొచ్చింది. ఆ రెండు చిత్రాలు సూపర్ హిట్ అవ్వడంలో ఈమె పాత్ర కూడా ఉంది అనడంలో సందేహం లేదు. దీంతో వరలక్ష్మికి తెలుగులో కూడా వరుస అవకాశాలు లభిస్తున్నాయి. ఎన్టీఆర్, అల్లు అర్జున్ వంటి స్టార్ హీరోల సినిమాల్లో ఈమె నటిస్తున్నట్టు మొన్నటి వరకు ప్రచారం జరిగింది.కానీ ఆ వార్తల పై స్పష్టత రాలేదు. అయితే బాలయ్య సినిమాలో ఈమె ఓ పవర్ ఫుల్ విలన్ పాత్రకు ఎంపికైనట్టు తాజా సమాచారం.
వివరాల్లోకి వెళితే.. మొండితనంతో కూడుకున్న లేడీ విలన్ పాత్రలకు వరలక్ష్మి పెట్టింది పేరు. త్వరలో బాలకృష్ణ- అనిల్ రావిపూడి కాంబినేషన్లో తెరకెక్కనున్న చిత్రంలో ఈమె అలాంటి పాత్రలో కనిపించబోతుంది. దర్శకుడు అనిల్ రావిపూడి.. వరలక్ష్మి ని దృష్టిలో పెట్టుకుని ఆ పాత్రని రాసాడట. ‘నరసింహ’ సినిమాలో రజినీకాంత్, రమ్యకృష్ణ మధ్యలో వచ్చే సన్నివేశాలు ఎంత పవర్ ఫుల్ గా ఉంటాయో.. తన సినిమాలో బాలయ్య,వరలక్ష్మీ పాత్రలు అంతే పవర్ ఫుల్ గా ఉండేలా డిజైన్ చేసుకుంటున్నాడట అనిల్.
ప్రస్తుతం బోయపాటి శ్రీనుతో ‘అఖండ’ చిత్రం చేస్తున్న బాలయ్య… ఆ తర్వాత గోపీచంద్ మలినేని,అనిల్ రావిపూడి లతో సినిమాలు చేయాల్సి ఉంది. వీటికి సంబంధించిన ప్రీ ప్రొడక్షన్ పనులు కూడా మొదలైనట్టు వినికిడి. ఈ ఇద్దరి యంగ్ డైరెక్టర్ల సినిమాలను ఒకేసారి సెట్స్ పైకి తీసుకువెళ్ళాలని బాలయ్య భావిస్తున్నట్టు టాక్.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home