Varun Tej: కొత్త సినిమా కోసం ‘బీటీఎస్‌’ ఆలోచన చేస్తున్న వరుణ్‌తేజ్‌.. పేరు ఏంటంటే?

కొరియన్‌ సినిమాలు, కొరియన్‌ కుర్రాళ్లు, కొరియన్‌ ఫుడ్‌.. వీటికి మన దగ్గర ఆసక్తి ఎక్కువ. కొరియన్‌ కుర్రాళ్లు బీటీఎస్‌ బ్యాచ్‌ అని మీకు ప్రత్యేకంగా చెప్పక్కర్లేదు. అదంతా ఓకే కానీ.. ఇప్పుడు కొరియన్‌ గురించి అంతగా చెబుతున్నారు ఏంటి అనుకుంటున్నారా? ఎందుకంటే టాలీవుడ్‌లో త్వరలో తెరకెక్కనున్న ఓ సినిమాకు ఇదే కాన్సెప్ట్‌లో ఆలోచించారో ఏమో.. ‘కొరియన్‌’ అనే పేరును కనెక్ట్‌ చేస్తున్నారు. అవును ఆ సినిమాలో వరుణ్‌తేజ్‌ (Varun Tej) హీరో.

Varun Tej

మెగా ప్రిన్స్‌ వరుణ్‌ తేజ్‌ హీరోగా క్రైమ్‌ – కామెడీ సినిమాల స్పెషలిస్ట్‌గా పేరు తెచ్చుకున్న మేర్లపాక గాంధీ (Merlapaka Gandhi) కలయికలో ఓ సినిమా రూపొందనుంది అని కొన్ని రోజుల క్రితం మన వెబ్‌సైట్‌లో వార్త చదివే ఉంటారు. ఇప్పుడు ఆ వార్తకే ఇది అప్‌డేట్‌. ఆ సినిమాకు ‘కొరియన్‌ కనకరాజు’ అనే పేరు పెడుతున్నారు అనేది లేటెస్ట్‌ వార్తాంశం. ఈ మేరకు యూవీ క్రియేషన్స్‌ ఓ టైటిల్‌ను రిజిస్టర్‌ చేసింది అని చెబుతున్నారు.

ఇక వ‌రుణ్ తేజ్ ప్ర‌స్తుతం ‘మ‌ట్కా’ (Matka) అనే సినిమా చేస్తున్నాడు. కరుణ కుమార్‌ (Karuna Kumar) డైరెక్ట్‌ చేస్తున్న ఆ సినిమా షూటింగ్ దాదాపు పూర్తి కావొచ్చింది. ఇటీవల టీజర్‌ కూడా రిలీజ్‌ చేశారు. ఈ సినిమా తర్వాత మొదలవ్వబోయే సినిమా ఈ ‘కొరియన్‌ కనకరాజు’ అని చెబుతున్నారు. సినిమా భాగం కొరియాలో, మ‌రికొంత భాగం రాయ‌ల‌సీమ‌ నేపథ్యంలో ఉంటుంది అని అంటున్నారు. అయితే అక్కడ షూటింగ్‌ చేసే పరిస్థితులు లేవు.

ఈ నేపథ్యంలో హీరో పాత్ర చిత్రణలో కొరియా దేశానికి ప్రాముఖ్యత ఉండేలా చూస్తారు అని తెలుస్తోంది. ఇక ఈ ద‌స‌రాకు సినిమా నుండి ఓ అప్‌డేట్‌ ఉంటుంది అని చెబుతున్నారు. అది సినిమా అనౌన్స్‌మెంట్‌ అని, టైటల్‌తో సహా పోస్టర్‌ను రిలీజ్‌ చేస్తారని సమాచారం. మరి కేవలం పోస్టరే ఇస్తారా? లేక అదనపు సమాచారం కూడా ఏమన్నా ఇస్తారా అనేది చూడాలి. ఏదైతే ఏముంది సినిమా పేరు అయితే కొత్తగా ఉంది.

ఈ సీక్వెల్ సినిమాలు బాహుబలి2 రేంజ్ లో మెప్పించడం సాధ్యమేనా?