ప్రస్తుతం ‘జిగర్తాండ’ రీమేక్ అయిన ‘వాల్మీకి’ చిత్రంలో నటిస్తూ బిజీగా ఉన్నాడు మెగా ప్రిన్స్ వరుణ్ తేజ్. హరీష్ శంకర్ డైరెక్ట్ చేస్తున్న ఈ చిత్రంలో పూజా హెగ్దే హీరోయిన్ గా నటిస్తుంది. జులై తో ఈ చిత్రం షూటింగ్ కంప్లీట్ అవుతుందని సమాచారం. ఈ చిత్రంలో నెగటివ్ పాత్రలో వరుణ్ కనిపించనున్నాడని… సినిమాకి హైలెట్ గా వరుణ్ తేజ్ నిలుస్తాడని టాక్ నడుస్తుంది. ’14 రీల్స్ ప్లస్’ బ్యానర్ పై అనిల్ సుంకర ఈ చిత్రాన్ని నిర్మిస్తున్నాడు. ఆగష్టు లో ఈ చిత్రాన్ని విడుదల చేయడానికి చిత్ర యూనిట్ ప్లాన్ చేస్తుంది. ఓ పక్క ఈ చిత్రాన్ని ఇలా పూర్తి చేస్తున్నాడో లేదో.. వెంటనే మరో పక్క తన కొత్త చిత్రాన్ని ప్రారంభించడానికి రెడీ అయిపోయాడు వరుణ్ తేజ్.
నూతన దర్శకుడు కిరణ్ కొర్రపాటి ఈ చిత్రాన్ని డైరెక్ట్ చేయనున్నాడు. వరుణ్ బాక్సర్ గా ఈ చిత్రంలో కనిపించనున్నాడు. ఇప్పటికే కాలిఫోర్నియా వెళ్ళి ఈ చిత్రం కోసం బాక్సింగ్ లో శిక్షణ తీసుకున్నాడు. ఆగష్టు నుండీ సెట్స్ పైకి వెళ్లనున్న ఈ చిత్రం హైదరాబాద్ , వైజాగ్ , ఢిల్లీ వంటి ప్రదేశాల్లో షూటింగ్ జరుపోకుంది. ఈ చిత్రంలో తమిళ సీనియర్ నటుడు సత్యరాజ్ కూడా ఓ ముఖ్య పాత్ర పోషించనున్నాడు. ఇటీవల విడుదలైన ‘జెర్సీ’ చిత్రంలో కూడా సత్యరాజ్ మంచి పాత్ర పోషించాడు. ఏదేమైనా వరుణ్ తేజ్ వరుస చిత్రాల్లో నటిస్తూ చాలా బిజీగా ఉన్నాడన్న మాట.
