విభిన్న కథల ఎంచుకుంటూ ఒక ఇమేజ్‌ ఛట్రంలో ఇరుక్కుపోకుండా చూసుకుంటున్నాము మెగా ప్రిన్స్‌ వరుణ్‌తేజ్‌. తాజాగా ఆయన ఇదే ఆలోచనతో రొమాంటిక్‌ కామెడీ ఎంటర్‌టైనర్‌కు ఓకే చెప్పేశాడని అంటున్నారు. ఇప్పటివరకు వరుణ్‌ చేయని మామ-అల్లుళ్ల కాన్సెప్ట్‌ అని తెలుస్తుంది. తెలుగులో కొత్త దర్శకుల్లో ఇలాంటి కాన్సెప్ట్‌ సినిమాలు చేసే దర్శకుడు త్రినాథరావు నక్కిన. ఆయన గత సినిమాలు ఈ కోవలోనే నడుస్తుంటాయి. త్రినాథరావు నక్కిన నుండి సినిమా వచ్చి నాలుగేళ్లు అవుతోంది. ఆఖరిగా ‘హలో గురూ ప్రేమకోసమే’ చేశారాయన.
ఆ తర్వాత కథలతో తిరుగుతున్నా… సినిమా ఓకే అవ్వలేదు. అయితే ఎట్టకేలకు రవితేజతో ఓ సినిమా ఓకే అయ్యిందని వార్తలొచ్చాయి. ‘ఖిలాడీ’తర్వాత ఆ సినిమా చేయాల్సి ఉంది. మరి ఈ సమయంలో వరుణ్‌తేజ్‌తో ఓ సినిమా ఓకే చేయించుకోవడం వెనుక ఏం జరిగిందో అర్థం కావడం లేదు. వరుణ్‌తేజ్‌ సినిమా అధికారికంగా ప్రకటించలేదు. అలా అని రవితేజ సినిమా సంగతీ అంతే. ప్రస్తుతం వరుణ్‌తేజ్‌ ‘గని’, ‘ఎఫ్‌ 3’ సినిమాలతో బిజీగా ఉన్నాడు.
ఇది కాకుండా వెంకీ కుడుముల సినిమా ఒకటి ఓకే చేశాడని తెలిసింది. ఆ తర్వాత ఆ సినిమా గురించి ఎలాంటి వార్తలూ లేవు. దీంతో ఆ సినిమా బదులు త్రినాథరావు నక్కిన సినిమా చేస్తున్నాడని అంటున్నారు. మరోవైపు రవితేజ సినిమా సంగతి ఏమైందో త్రినాథరావు నక్కిననే చెప్పాలి. ఈ రెండింటి ఏ సినిమా గురించి క్లారిటీ వచ్చినా మరొకటి తేలిపోతుంది. ఒకవేళ వరుణ్‌తో సినిమా ఓకే అయితే… అందులో ఆయన మామ ఎవరు అనేది ఆసక్తికరం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
