Venkatesh, Sai Pallavi: సాయి పల్లవి పై వెంకటేష్ ఆసక్తికర వ్యాఖ్యలు..!

June 16, 2022 / 03:27 PM ISTByFilmy Focus

Join Us

Venkatesh, Sai Pallavi: సాయి పల్లవి పై వెంకటేష్ ఆసక్తికర వ్యాఖ్యలు..!

రానా దగ్గుబాటి, సాయి పల్లవి జంటగా నటించిన ‘విరాట పర్వం’ చిత్రం రేపు అనగా జూన్ 17న విడుదల కాబోతుంది. వేణు ఉడుగుల ఈ చిత్రానికి దర్శకుడు. డి. సురేష్ బాబు సమర్పణలో ఎస్.ఎల్.వి. సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మించారు. ప్రియమణి,నివేదా పేతురాజ్,నవీన్ చంద్ర, ఈశ్వరి రావు మొదలగు వారు ఈ చిత్రంలో కీలక పాత్రలు పోషించారు. ఇక ఈ చిత్రం ప్రమోషన్ లో భాగంగా నిన్న ఈ చిత్రం ప్రీ రిలీజ్ వేడుక నిన్న ఘనంగా జరిగింది.

ఈ వేడుకకు విక్టరీ వెంకటేష్ ముఖ్య అతిథిగా హాజరయ్యారు. ఇందులో భాగంగా ఆయన హీరోయిన్ సాయి పల్లవి పై చేసిన కామెంట్స్ హాట్ టాపిక్ అయ్యాయి. వెంకటేష్ మాట్లాడుతూ… ” ‘విరాట పర్వం’ లాంటి గొప్ప సినిమా తెలుగులో రావడం నాకు చాలా సంతోషంగా వుంది. రానా తన తొలి సినిమా ‘లీడర్’ నుండి ఇప్పటి వరకు తన ప్రతి సినిమాని, పాత్రని ఎంతో అంకిత భావంతో చేస్తున్నాడు.

రానా విరాట పర్వం చేసినందుకు కూడా నాకు చాలా ఆనందంగా వుంది. రానా నువ్వు కచ్చితంగా విన్నర్ గా నిలబడతావ్ ఈరోజు కాకపోయినా ఓ రోజు అది జరుగుద్ది. సాయి పల్లవి క్యూట్ స్మైల్ చాలా అందంగా ఉంటుంది. సాయి పల్లవి కెరీర్ లో ‘విరాటపర్వం’ ఓ బెస్ట్ ఫిల్మ్ అవుతుంది. విరాట పర్వంలో ఆమె నటనకి కచ్చితంగా నేషనల్ అవార్డు లభిస్తుంది అని నాకు అనిపిస్తుంది.

అంత అద్భుతంగా వెన్నెల పాత్రలో ఆమె నటించింది. ఆ పాత్రకి జీవం పోసింది” అంటూ వెంకటేష్ చెప్పుకొచ్చారు. అలాగే ఈ చిత్రం కచ్చితంగా మంచి విజయాన్ని అందుకుంటుందని కూడా ఆయన తెలిపారు.