తరుణ్ భాస్కర్ దర్శకత్వంలో వెంకటేష్ హీరోగా సినిమా సెట్!

నాగార్జున తర్వాత కొత్త దర్శకులతో రిస్క్ లు చేయడానికి సిద్ధపడే ఏకైక అగ్ర కథానాయకుడు విక్టరీ వెంకటేష్. అందుకే.. తమ బ్యానర్ లో “ఈ నగరానికి ఏమైంది” లాంటి మంచి హిట్ సినిమా తీసిన తరుణ్ భాస్కర్ కి అవకాశం ఇచ్చేందుకు సన్నద్ధమవుతున్నాడు వెంకీ. నిజానికి పెళ్ళిచూపులు తర్వాతే వేంకటేష్ తో సినిమా చేయాలి తరుణ్. కానీ.. కథ సెట్ అవ్వకపోవడంతో ఆ కాంబినేషన్ వర్కవుట్ అవ్వలేదు. అయితే.. ఇప్పుడు తరుణ్ భాస్కర్ హార్స్ రేస్ క్లబ్ నేపధ్యంలో ఒక కథ రాసుకొని వెంకీకి చెప్పడం, ఆ కథ వెంకటేష్ బాబుకి భీభత్సంగా నచ్చేయడంతో వెంటనే ఒకే చెప్పేశాడట. “గురు” తరహాలో ఈ చిత్రం కూడా స్పోర్ట్స్ డ్రామాగా రూపొందనుంది.

ప్రస్తుతం బాబీ దర్శకత్వంలో తెరకెక్కుతున్న వెంకీ మామ చిత్రంలో నటిస్తున్న వెంకటేష్.. ఆ సినిమా పూర్తయ్యాక తరుణ్ భాస్కర్ సినిమా మొదలెట్టే అవకాశాలున్నాయి. ఇకపోతే.. వెంకటేష్ తో ఒక వెబ్ సిరీస్ చేసేందుకు కూడా అమేజాన్ ప్రైమ్, నెట్ ఫ్లిక్స్ లాంటి కంపెనీలు చూస్తున్నాయి. మంచి కథ దొరికితే వెబ్ సిరీస్ చేయడానికి తనకు ఎలాంటి అభ్యంతరం లేదని వెంకీ చెప్పడంతో ఇప్పుడు యువ దర్శకులందరు వెంకీ మామను మెప్పించే కథను రెడీ చేసుకోవడానికి సిద్ధమయ్యారు.

గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి